神廚館 (Moved) New Location

一路看見食評推介,這裡的墨魚餅首屈一指,幾乎所有相都係食煎蛋墨魚餅飯和美極蒜蓉薄牛扒飯,今晚有幸七點幾經過,決定一試.先講墨魚餅飯,賣相其實真的不錯,隻蛋煎得半生熟,剛剛放在飯上,不過唔知點解覺得隻蛋無乜蛋味,塊墨魚餅煎得頗香口,都食到幾多墨魚粒,放在面的紫菜條碎亦不淋,就墨魚餅本身算不錯,不過食完成碟飯之後,個碟好多油.到個薄牛扒飯,講真我就只是食到蒜蓉味,食唔到美極味,至於牛扒,真係好淋,都有牛味,但係好明顯比蒜蓉蓋過了.講到啲飯,就覺得好硬.不過有一點值得一讚,就係食之前會比一碗熱水給你洗食具.可能係由於食評寫得太好,入去之前總有無限期望,可惜...對不起...