Video
Read full review
2023-08-28
7 views
呢間居酒屋唔算好大間，但裏面嘅裝修環境都好有日式風味，播住一啲柔和嘅日本音樂，加上昏暗有格調嘅燈光，都幾啱同朋友過嚟慢慢食吹吓水！餐廳裏面主要都係卡位，都夠闊落坐得舒服，菜式方面就主打鮮魚刺身同埋各款嘅日式串燒🍢，選擇都幾多！一坐低，店員就會比一個大根漬牛舌👅做前菜，比顧客墊一墊個胃先，佢個前菜做得都幾出色，煮得夠腍夠清甜！店員一見到顧客用完餐，就會過嚟收走啲碟，然後上下一道菜，務求你串燒送到客人嘅手上都仲係熱辣辣👍🏻！但感覺餐廳嘅通風仲有待改善，食完出嚟成身有一陣燒烤嘅味道😗～------------------------------🥒◖漬物三點◗ $88 有青瓜、牛蒡同蒜頭，醃漬過好爽脆清甜🐟◖唐揚小池魚◗ $58好多居酒屋都有嘅前菜小食，炸得酥脆，可以點佢個沙律醬，加上檸檬汁，幾香口，好適合攞嚟送酒食～🍗◖唐揚炸雞◗ $78有五大件炸雞，幾鍾意佢唔係一嚿肉塊拎去炸，有好幾件帶骨，外皮好香脆，肉質幾鮮嫩，食落一啲都唔乾柴，仲有少少鹹香～🥚◖蟹羔玉子燒◗ $88玉子燒嘅蛋味好香濃，裏面係半流心狀態嘅蟹膏，幾鮮甜，加上上面嘅魚子，仲有啲脆卜卜嘅口感👅◖厚切牛舌芯◗ $68有三大件厚切
一坐低，店員就會比一個大根漬牛舌👅做前菜，比顧客墊一墊個胃先，佢個前菜做得都幾出色，煮得夠腍夠清甜！店員一見到顧客用完餐，就會過嚟收走啲碟，然後上下一道菜，務求你串燒送到客人嘅手上都仲係熱辣辣👍🏻！但感覺餐廳嘅通風仲有待改善，食完出嚟成身有一陣燒烤嘅味道😗～
------------------------------
🥒◖漬物三點◗ $88
有青瓜、牛蒡同蒜頭，醃漬過好爽脆清甜
🐟◖唐揚小池魚◗ $58
好多居酒屋都有嘅前菜小食，炸得酥脆，可以點佢個沙律醬，加上檸檬汁，幾香口，好適合攞嚟送酒食～
🍗◖唐揚炸雞◗ $78
有五大件炸雞，幾鍾意佢唔係一嚿肉塊拎去炸，有好幾件帶骨，外皮好香脆，肉質幾鮮嫩，食落一啲都唔乾柴，仲有少少鹹香～
🥚◖蟹羔玉子燒◗ $88
玉子燒嘅蛋味好香濃，裏面係半流心狀態嘅蟹膏，幾鮮甜，加上上面嘅魚子，仲有啲脆卜卜嘅口感
👅◖厚切牛舌芯◗ $68
有三大件厚切牛舌，咬落去比較韌，牛味都幾濃郁，但就需要費啲勁去咬開佢～
🥟◖日式煎餃子◗ $58
有五大隻煎餃子，用上椰菜豬肉餃，外皮煎得夠乾身，咬落去夠脆有韌勁，點上秘製嘅餃子汁，有啲七味粉喺入面，微辣幾特別！
🐖◖媽媽鹹蛋豬肉棒◗ $48
豬肉棒肥瘦啱啱好，軟腍得嚟充滿肉，咬落去啲肉汁爆曬出嚟，配合埋面頭鋪上嘅鹹蛋沙律醬，味道都有層次！
🍇◖青森青提豚肉卷◗ $48
呢個味道有啲似平時食開嘅荔枝豚肉卷，超過嘅豚肉夾住爽口青提，有啲酸酸甜甜嘅果汁去中和返啲油膩感
🍎◖富士蘋果煙肉卷◗ $48
幾欣賞呢個煙肉卷，煙熏味都幾濃郁，配合裏面爽脆清甜嘅蘋果，又香又juicy！
🧅◖京蔥雞肉串◗ $48
有兩串雞肉串，每件都均勻咁塗上燒汁，火候控制得啱啱好，燒出嚟雞肉都唔會乾柴，有少少炭燒嘅香味～
🍅◖胡麻蕃茄沙律◗ $78
原隻蕃茄去咗皮，清甜多汁，配合鋪喺底嘅麻醬椰菜沙律，食落去好清爽！
🥬◖秋葵◗ $28
呢個秋葵大大條，搽咗牛油先拎去燒，食落去滿滿嘅牛油香，加咗鹽去做一個簡單嘅吊味，都幾好食！
🌟 Encore指數：9/10
Post
