部屋咖啡室

部屋咖啡室係旺角眾多樓上cafe之一，最近疫情喚峻即使地鋪食店都少左好多食客，真係唔好話樓上cafe。放假約左好耐冇見嘅朋友，特登揀間樓上cafe，貪佢冇乜人夠安全又可以慢慢食慢慢傾。部屋以小小兵做主題，周圍都放左好多小小兵公仔。作為一間樓上cafe，board game一定唔少得。飲用水可以自己喺自助茶水站斟。翡翠朱古力碎雪葩($58, 跟餐加$22) - 係一杯用左朱古力碎、朱古力條、鮮奶同薄荷汁溝成嘅特飲，雖然顏色比較淡，但飲落薄荷味同朱古力味都可以，唔會得奶味，不過可能加左雪糕關係，飲落會比較凍。薄荷朱古力($48, 跟餐加$6) - 部屋裡面多款咖啡、朱古力同果茶跟餐都係加$6，計返比特飲抵飲好多。薄荷朱古力薄荷味同朱味都濃，就算飲到最後都會太淡。美式炸薯條(跟餐加$25) - 薯條係波浪粗薯，送上黎仲熱辣辣，唔會太鹹。忌廉煙三文魚意粉($138) - 煙三文魚幾大片，意粉唔會太腍，忌廉汁係比較水潤，食落唔會太滯，整體都唔錯。雪糕伴朱古力香蕉厚多士($85) - 多士目測有兩吋厚，朱古力漿同香蕉都夠多，所以每一啖都食倒朱古力味又唔會太乾。總結，野食賣相同味道都唔差，打破平時樓