蘭香麵家

Open Now

Now Closed

周日訓到日上三竿，本來諗住去行下山都係要cancel。搭車出尖咀，帶左食家去上次食過令我念念不忘的美味小店﹗蘭香麵家，地點在尖咀柯士甸道﹗店子少少，座位得十幾個，由於我地四點幾先來到，唔洗等位﹗呢啲精緻小店通常特別多雜誌介紹，呢間真係好野黎，不要錯過﹗見佢係特別推介，梗係試下啦，冬菇麵﹗呢度既冬菇以厚肉味濃見稱﹗食家點了冬菇河粉﹗冬菇有五六片，唔好睇佢好似好少咁樣，件件都好似我咁超厚肉﹗有相為證呀﹗菇味出眾，香味濃郁咬落多汁，軟韌度適中，食家食到點哂頭﹗我可以咁講，係有鮮冬菇的軟腍質感，卻有乾花菇的濃郁味道﹗蘭香的主角來了，馳名黑柏葉麵﹗柏葉份量足，佔了大半碗﹗柏葉做得爽口彈牙，片片煙韌有緻，全無皂水味，那種口感真係一試難忘，與其他地方吃到的柏葉截然不同﹗記緊要蘸上蘭香自家出品既豉油，裡面加入咗陳皮，輕蘸下香氣悠揚，引出柏葉的鮮味，特色出色﹗食完兩碗麵後唔多夠喉，兩個人叫多個碗淨鮮牛﹗牛肉經過處理，夠腍身，色澤雖殷紅味道卻偏淡﹗還是冬菇及柏葉最好﹗呢間小店還有出名的雞腸，好此道者可以來試試﹗埋單都係$70，能吃如此美味，尖咀來說好抵食呢﹗更多資料: http://hk.myblog.y