Le Chefeteria

Open Now

Now Closed

今日朋友請食晏，揀咗呢間法國餐廳，原來係位於銅鑼灣新會道一座唐樓上面。餐廳本身係有啲細，枱與枱之間亦相當密集，講大聲啲嘢隔籬枱都會聽到。餐廳基本上大部份都係set餐牌（$278），午餐有3款餐湯、10款主菜、甜品四揀一，再加埋一樣飲品。如果選擇貴食材另外on top 加差價。今日兩個人試咗：前菜：麵包六舊餐湯：龍蝦湯 都唔錯主菜：- 椰殼煙燻阿根廷黑安格斯牛里脊（另加$38）👍🏻味道係唔錯，肉本身食落口冇渣，好滑好淋，點埋醬汁都幾好味，奈何份量的確係細- 紅酒燉澳洲和牛臉頰配薯泥時菜 （另加$28）👍🏻肉質好淋，一啲都唔黐牙，非常入味，但份量都係小甜品：- 芒果木糠布甸 ～芒果味十足，入面有麵包crumbles 同raspberry sauce ，都幾甜，但係佢哋話冇落糖- 香蕉飛碟～其實係香蕉放喺印度薄餅中間煎香左，上面再淋raspberry sauce, 打正旗號冇落糖，冇花巧飲品：烏龍玫瑰冷泡茶，都係細細杯，正常水杯得三份二滿，味道清香總括嚟講每一樣嘢份量都偏細，女士食都話少。以呢個價錢食法國菜都算係咁，但係大食嘅朋友就要諗吓先。