籠太子點心專門店 (Closed)

點心店位置有d難搵，長沙灣站出左要行10分鐘左右，近順寧道，我喺附近做野經過幾次今日終於有時間黎食個lunch。小店座位二十幾個，幾清靜，傾計方便。點心選擇好吸引，有好多特色點心添，同平時茶樓果d有d唔同，正！哩度茶芥每位$3，都合理，平過去酒樓好多，係玄米茶好香。蜜汁叉燒包 $17好鬆軟，好多料，熱辣辣好滿足。蝦餃皇 $13/2隻用籠仔蒸可愛！大大隻蝦餃皮薄，蝦肉好爽，調味岩好。古法糯米雞 $24估唔到咁大隻呀！好滿足想食好耐。有鴨胸、雞肉等料，糯米飯帶有微微荷葉香氣。鮮竹牛肉球 $19見隔離台既牛肉球咁大粒，我地又叫番籠黎食。3大粒沾上喼汁好正，牛肉新鮮，爽口，好食！椰汁桂花糕 $18做得好靚既糕點，我最中意食糕。桂花夾椰奶香，食完咸既點心食番d甜品，就係完美既lunch。