陳根記

Open Now

Now Closed

今日同屋企人想一齊食翻啲有鍋氣嘅中餐，樓下大排檔又略顯太熱，諗起石門有間陳根記，就帶埋屋企人回味下。我地去嘅時間都比較早，6:30左右，唔洗排隊入座。職員都好友善，見我今日行動不便都特意溫馨提醒我可以坐入面啲嘅位，避免走廊位多人行出行入比人撞到。今日叫左三餸一湯：椒鹽九肚魚：味道唔錯，不過粉略嫌太多，魚肉較少炸蠔餅：分量足，望落去顏色炸得比較膿蒜蓉蒸翠肉瓜：食左兩碟炸野，要叫碟清啲平衡下。都幾好食，粉絲記得要溝埋蒜蓉食蟹肉海鮮羹：分量足，三個人食，每人都有2-3碗分量