熊小館

Open Now

Now Closed

星期六放假去左mega box玩，玩到夜晚就係到食飯，見到呢間親子餐廳就入去，食完仲有得玩，小朋友都好開心。小熊套餐肉醬意粉味道酸甜開胃，芝士雞尾腸外皮脆卜卜，牛油粟米香甜，小熊啫喱可愛又好味。歐陸式濃湯兩客＋牛油法包南瓜湯入口幼滑，濃郁香甜，牛油法包烘得香脆可口，吸收哂南瓜湯幾好味。法式蛋黃醬焗鮮蘆筍鮮蘆筍香甜爽口，幼嫩無渣，加上蛋黃醬味道甜甜地好夾。深海帶子拼醬燒汁牛柳帶子厚肉，肉質鮮甜有彈性，牛柳要左5成熟，入口軟林，一點都唔靭，牛肉味道濃郁，配埋燒汁好惹味。卡邦尼煙肉扁意粉意粉軟硬適中，卡邦尼醬汁creamy濃郁。熱情玫瑰係玫瑰花茶加熱情果，味道香甜。橙色派對芒果加橙汁，酸酸甜甜。