大壹燒鵝 (啟田大廈)

Open Now

Now Closed

今日去完藍田探朋友， 打算顺道食完晚飯才回家。途經這間 『大壹燒鵝』， 之前一直想去可惜沒有機會。內籠幾新淨光猛， 樓底夠高，入面分了另一層做樓上雅座， 依然空間感十足 。也有大圓枱， 齊人開飯更有氣氛！當然先試佢嘅燒鵝飯， 外形似足大碗飯， 旁邊仲有榨菜絲，又幾爽脆拌飯唔錯！😊燒鵝皮夠脆， 肉質甘香仲幾入味， 唔驶怕肥仲有啲偏瘦。老火湯， 花生眉豆豬骨， 相當足料，唔會好鹹， 飲得出冇加味精。蠔仔粥$78份量足夠二人， 熱辣辣端上檯已經聞到蠔嘅香味 ！👍👍 蠔仔其實都幾大隻， 勁鮮甜 ，翠玉瓜煮得啱啱好， 可加上脆米增加口感。凍檸茶茶味香濃又唔會調教得太甜！紅豆冰，紅豆軟淋， 奶味偏重， 反而椰奶嘅香味略欠。馳名紅酒燴牛尾$88份量好足👍😋， 紅酒汁濃香惹味，番茄香味尤其突出。 牛尾唔會炆到好爛好軟腍， 嚼感十足！ 來一碗白飯實在冇得輸！走的時候門口都幾多人等外賣～ 相當受歡迎。