Video
Read full review
2020-06-28
360 views
我本身好少食車仔麵 因為自從人大左之後食唔番細個嗰種感覺 曾經試過好多間車仔麵 出名嘅唔出名嘅都一一試過晒 始終都係覺得冇乜特別 普通面一碗 食完多數都唔會再食第二次。今日經過佐敦諗唔到有咩食上OpenRice睇 見到近近地有一間車仔麵價錢又唔係特別貴 於是就膽粗粗入去試吓 亦係引起我今次第一次寫食評嘅原因。一入去坐低就開始寫紙 叫咗牛腩，雞翼，豬手，生菜 幼面。本來都以為冇乜特別諗住快快脆脆食完就走 我但當我一放嘢食入口我覺得以佢嘅價錢來講真係10分都有8分 個面爽口得來唔會太淋 又唔會太硬高水準，另外就係個豬手同雞翼非常之入味 亦係唔會硬骨骨 非常之容易食 後者入味得來唔會爛晒 有雞味又有醬汁嘅味道 好嘢味。雖然其他感覺冇乜特別但係都好過其他車仔麵，特別係好出名嗰啲 可能小店就係有呢種感覺。總括而言呢一間車仔麵係我會特登返嚟食嘅地方
今日經過佐敦諗唔到有咩食上OpenRice睇 見到近近地有一間車仔麵價錢又唔係特別貴 於是就膽粗粗入去試吓 亦係引起我今次第一次寫食評嘅原因。
一入去坐低就開始寫紙 叫咗牛腩，雞翼，豬手，生菜 幼面。
本來都以為冇乜特別諗住快快脆脆食完就走 我但當我一放嘢食入口我覺得以佢嘅價錢來講真係10分都有8分 個面爽口得來唔會太淋 又唔會太硬
高水準，另外就係個豬手同雞翼非常之入味 亦係唔會硬骨骨 非常之容易食 後者入味得來唔會爛晒
有雞味又有醬汁嘅味道 好嘢味。
雖然其他感覺冇乜特別但係都好過其他車仔麵，特別係好出名嗰啲 可能小店就係有呢種感覺。
總括而言呢一間車仔麵係我會特登返嚟食嘅地方
Post