KABOOM

記得第一次嚟食嘅時候係一個男仔帶我嚟食嘅，當時坐喺低枱嗰度，食住呢個浴室鴨仔嘅Cocktail，再加一啲小食，環境氣氛好好啱晒情侶。第二次呢就同閨蜜嚟食，我哋今次坐喺Bar 枱。我哋今次主要食晚餐。Southern Vietnamese Crabs Cups $98（南越蟹杯）🦀價錢親民，蟹肉鮮甜細膩，清爽之餘又保留咗海鮮嘅原味，非常吸引！Yum Som-O Cajun Prawns Salad $138（卡津蝦沙拉）🍤🥗酸甜口感適合炎炎夏日，有大大隻海蝦，啱晒鐘意食輕盈菜式嘅朋友。Lobster Pasta with Lobster Tail $268 🦞🍝(龍蝦意大利麵)濃郁嘅龍蝦汁滲入麵條，如果喜歡厚重嘅龍蝦汁味，就啱晒啦。呢度菜用嚟打卡都唔錯。Baked Sambl COD fish $348 🐟(烤森巴鱈魚)鱈魚搭配濃郁森巴醬，魚肉滑嫩入味，係一道極具層次感嘅選擇。Shh, it is gossip girl’s time $108 🍸（緋聞女孩時間🤫🤭👧）睇名字已經好有趣，肉桂朱古力咖啡，再加雲呢拿雪糕調配而成嘅雞尾酒，複雜嘅心情就好似平時同班姊妹喺度討論嗰班八卦嘢嘅感覺。