鮨石 (Closed)

同朋友慶祝生日，想食好啲，嚟到呢間位於尖沙咀嘅omakase鮨石。成晚食咗好多嘢，啲嘢好多都好有特色，除咗有好多無乜食過嘅魚，啲醬汁等等配搭都十分特別。師父友善健談，傾落原來老細有間西餐廳，所以設計菜式都會加咗少少西式元素，非常特別。前菜有海膽醬拌吞拿魚刺身加上果茄同醋海藻，開開個胃先😋帆立貝同赤貝刺身十分鮮甜，好似落咗糖咁然後嚟到我最愛嘅鰤魚刺身，好有口感，上面撒咗柚子胡椒，帶嚟一啲酸酸嘅風味，好特別。銀雪魚白子刺身大舊，上面加咗少少辛辣辣地嘅醬，creamy大滿足！另一樣出色嘅係八爪魚煮物，口感唔錯，有鮑魚同海膽味，兩者都好鮮甜。全晚最愛係拖羅三文治，面層炸到少少脆，勁大舊拖羅，夾喺麵包入面，加啲酸酸地嘅好好食～壽司方面有剝皮魚、石垣鯛同梭子魚、沙甸魚同一隻叫hawahagi嘅魚～最後師父話有吞拿魚稀有部位，原來係吞拿魚額頭壽司，入口即溶～最後就再加多舊超鮮甜嘅海膽！最後送上湯同甜品，甜品係有酒香嘅香蕉雪糕brownie，味道濃郁，香蕉同朱古力嘅結合好好食，是日大滿足～