翠林辣蟹舫

入口有好大隻蟹裝飾在上方，沿樓梯上一樓門面掛滿各大明星合照及所得獎狀，店員熱情招待安排坐位，介紹菜式，先點了前菜桂花糖山藥，冰鎮鮑魚，主角避風塘炒蟹，再點了豬油渣炒福菜花，加個食神炒飯。桂花糖山藥係涼菜，山藥爽脆，桂花糖清甜有花香。冰鎮鮑魚與衆不同，係用醬汁烹煮再冰鎮上碟鮮味十足。避風塘炒蟹要符合表妹口味點了小辣，蟹好新鮮炸蒜超級惹味，火喉恰當上枱熱辣辣，蟹肉汁保持得住。食神炒飯上枱裝成一條錦鯉，上面鋪滿蟹籽賞心悅目，飯炒得乾身粒粒分明，用料充足加上蟹籽更鮮美。豬油渣炒福菜花有驚喜，豬油渣炸得好香唔會太肥膩，菜花吸收豬油渣好夾，炒完嘅豬油渣保持鬆化。鍾意食蟹呢間都係必然之選。