Video
Read full review
2023-07-12
230 views
📌尖沙咀打卡廚師發辦😮💨見到佢哋餐廳做緊半價優惠 又見到唔少人有好評 所以就想去試吓～一入到餐廳 見到左邊有個非常適合打卡 ig-able嘅河流仔😂女士們應該會幾鍾意 我第一入到去見到有位工作人員喺度清潔緊呢個流水位 經師傅得知 原來餐廳會係呢個打卡位養殖住啲來貨海鮮～去到我哋開始食 處理「打卡位」嘅呢位人員都未離開 直到我哋食到中途佢清理完畢先離開 而大家都會想像到其實佢清理嘅時候會發出好多聲音 某程度上都影響咗客人喺餐廳享用食物嘅氣氛🥲其實有打卡位係無問題的 但影響到客人享用食物我就覺得餐廳呢一個位置要改善下～我哋食當日lunch嘅第一輪 呢一輪得我哋🧎🏻♀️因為食lunch關係 我地只飲茶🍵開始講食物啦😌🍣初頭識燒帶子 鯛魚覺得係正常發揮象拔蚌係爽甜嘅👍🏻🍣食到中拖羅 師傅加醃製山葵前 有問我哋食唔食到辣～我地都有ok咁師傅就加咗醃製咗嘅山葵 我個人覺得生葵嘅辣味覆蓋左中拖羅嘅鮮味 所以我唔係好食到中拖羅原先嘅魚料味🍣跟住下五道菜（無錯，係五件壽司都係炙燒😐）都係師傅用火槍燒魚料 我睇到呆咗😅正常嘅師傅都係將魚料先火炙 後再握壽司比客人 呢位師傅，一開始已經握好壽司 然後將整件
見到佢哋餐廳做緊半價優惠 又見到唔少人有好評 所以就想去試吓～
一入到餐廳 見到左邊有個非常適合打卡 ig-able嘅河流仔😂女士們應該會幾鍾意 我第一入到去見到有位工作人員喺度清潔緊呢個流水位 經師傅得知 原來餐廳會係呢個打卡位養殖住啲來貨海鮮～
去到我哋開始食 處理「打卡位」嘅呢位人員都未離開 直到我哋食到中途佢清理完畢先離開 而大家都會想像到其實佢清理嘅時候會發出好多聲音 某程度上都影響咗客人喺餐廳享用食物嘅氣氛🥲
其實有打卡位係無問題的 但影響到客人享用食物我就覺得餐廳呢一個位置要改善下～
我哋食當日lunch嘅第一輪 呢一輪得我哋🧎🏻♀️
因為食lunch關係 我地只飲茶🍵
開始講食物啦😌
🍣初頭識燒帶子 鯛魚覺得係正常發揮
象拔蚌係爽甜嘅👍🏻
🍣食到中拖羅 師傅加醃製山葵前 有問我哋食唔食到辣～我地都有ok咁師傅就加咗醃製咗嘅山葵 我個人覺得生葵嘅辣味覆蓋左中拖羅嘅鮮味 所以我唔係好食到中拖羅原先嘅魚料味
🍣跟住下五道菜（無錯，係五件壽司都係炙燒😐）都係師傅用火槍燒魚料 我睇到呆咗😅正常嘅師傅都係將魚料先火炙 後再握壽司比客人 呢位師傅，一開始已經握好壽司 然後將整件壽司直接放上炙燒板上燒😵💫最後舊壽司嘅底係燒燶咗😵我同同行朋友係嚇親😂仲要唔止一件🤯
完全睇得出呢個師傅係唔專業 我會再講講佢嘅唔專業
🍣之後食嘅池魚 吞拿魚卷同埋海膽都係正常發揮
食緊嘅期間 師傅同我哋傾偈 佢講起最近好多後生仔都去食廚師發辦 講講吓佢話其實自己係做開西餐同日本菜 我即刻好好奇：乜唔係多數鮨店師傅都係要訓練一段時間 先可以獨當一面做serve客嘅師傅？
之後經呢位師傅透露 其實佢鍾意做西餐多啲😂亦都有話自己係喺中環區三間米芝蓮西餐廳做嘢 師傅更引以自豪咁話自己喺佢講述嘅米芝蓮餐廳嘅工作位置 係去到客人request見廚師 而佢會出黎見客嘅地步
（小妹心裡一問：咁點解你會喺度呢？以我認知 米芝蓮餐廳嘅廚師應該唔會咁樣走去其他餐廳 仲要係同西餐完全唔關事嘅日式廚師發辦點做 點解你會喺一間普通尖沙咀廚師發辦店工作？）
喺呢個時候 我已經好懷疑師傅嘅可信性 再加埋見到佢一連 連握呢五舊火炙過嘅壽司 就知道呢間餐廳好伏😂
而且係我哋進食期間 都見到廚房製作部曾經有一位著住便服（Burberry款式T-Shirt）非工作服嘅人曾經喺吧枱後面出入 都已經感覺到呢間餐廳嘅唔專業
從整個與師傅對話嘅過程同埋佢握壽司嘅過程中 睇得出呢個師傅冇經過一向Omakase店師傅嘅長期訓練 我真係未見過廚師發辦喺炙燒壽司係會整件壽司一齊燒😂睇相都見到啲飯係窿到有啲變黑 而且佢自己都有講話佢都係少做Omakase 自己鍾意做西餐多😂
絕對懷疑呢間師傅 甚至呢間餐廳嘅專業性
值得一講係其實師傅都有問我哋食物O唔Ok 只係我地都覺得其實佢係由製作過程都已經充滿伏味 而唔係只係某件壽司唔掂咁簡單 所以呢度都提一提 師傅係有問意見 只係我地已經唔想提出任何建議 因為基本上都好多嘢要改善😩
另外想講吓師傅嘅造型 之前食其他鮨店都冇特別留意師傅嘅髮型 因為見到平時嘅師傅通常就好整潔咁將頭髮收喺廚師帽入邊 又或者佢哋嘅頭髮都係俾人一種好整潔嘅感覺
講吓呢位師傅 佢真係頭都唔梳 見到佢頭髮嘅凌亂😌 當配上佢serve嘅壽司 我個人認為有少少影響我享用呢一餐🫠
我哋今次係用咗佢哋嘅半價優惠
可能有人會話 半價優惠要求唔好咁多
但我個人認為餐廳唔應該因為價錢嘅減價而令質素下降
咁樣我會寧願你哋唔減價 俾我食返你哋應有嘅質素🤔
我見到IG上嘅宣傳都有時會有呢位師傅工作嘅post 但較多出現係另一位師傅 唔知係咪因為咁所以質素差咗🤔睇得出另一位師傅整出嚟嘅同呢一位完全唔一樣😂
呢一次會係我最差嘅Omakase飲食體驗😢會話我食到嘅嘢 同喺Openrice同埋Omakase關注組見到嘅食物完全唔同 兩個層次🤧
🍽️ 食物：🌑🌑🌑🌑🌑
🥂 飲品：🌕🌕🌕🌑🌑
👩🏻🍳 環境：🌕🌑🌑🌑🌑
💯CP值：🌗🌑🌑🌑🌑
✅回頭率：🌑🌑🌑🌑🌑
💰
鮨十二貫 ($390/pp)
(Without 50% discount)
Overall: NA (out of ⭐️⭐️⭐️⭐️⭐️)
📍 木澗
@moku.hk
地址：尖沙咀金巴利道65-67B號太平洋大廈UG樓A號舖
題外話 亦都係因為今次比較差嘅飲食經驗 啟發到我去開啲個account去提供較符合現實情況嘅食評比香港人🙈
Hashtags🔎
#eatgoodwestsin_omakase
#eatgoodwestsin_japanese
#eatgoodwestsin_tsimshatsui
#eatgoodwestsin_kowloon
Post
