南瀛水產

尖沙咀樓上日本菜見到好多人都揀左係慶祝生日架南瀛七點盛$588全部刺身都非常新鮮鮮甜，擺碟精緻小巧，三文魚腩和拖羅非常肥美好正，牧丹蝦又大條。黑松露鰻魚卷$238鰻魚厚身又大條，燒到好正又冇刺，一啖一口好滿足哦！蚧味噌甲羅燒$68睇住店員燒既過程好治癒～燒時香氣撲鼻好吸引，加左隻鵪鶉蛋仲有蟹籽、蟹肉再加上滿滿蟹膏，燒好一定要趁熱食，食落口邪惡又滿足，必食呀！吉列炸蠔$98炸得非常香脆可口，而且冇乜腥味非常贊哦！味醂魚乾$88食落口感偏淋身，而且都幾香口，點住沙律醬黎咬好正青蘋果乳酸$68表面佈滿青蘋果又好大杯，飲落好清甜又清新既青蘋果味，不會太酸。芝麻雪糕$48好重芝麻味，帶點微微炒芝麻既苦澀味好香口特別。