胡同

Open Now

Now Closed

今日同老公黎到尖沙咀Z Centre嘅胡同，餐廳係18樓高，可以睇到勁靚嘅維港景色，環境舒適優雅，而且餐廳裝修古色古香。-今次我哋叫咗餐廳嘅Dinner Tasting Menu，由前菜都甜品，足足有六款，而且仲可以加錢食片皮鴨。-首先前菜係三道菜嘅，分別有椒香口水雞、松露鮮鮑片、蔥油北海道帶子，份量啱啱好，味道非常有驚喜，尤其係北海道帶子同埋鮑片，帶子嘅蔥油非常濃香，食落回味無窮。而鮑片亦都好獨特，睇落以為係原隻鮑魚，原來實際上係片開咗，足足有5/6片，鮑魚每一片都爽口彈牙，而且充滿咗松露嘅鮮味。-跟住落嚟係黑椒和牛酥同竹炭魚香咸水角，兩個嘅口感都好酥脆，當中特別鐘意黑椒和牛酥，濃厚嘅黑椒配上嫩滑嘅和牛，再加上酥脆嘅外皮，簡直一流。-下一道係京式龍蝦同雞油慢煮鱈魚，成個龍蝦頭豎立，賣相非常吸引，龍蝦肉彈牙得來味道唔錯，份量亦都吾少。而鱈魚雪白嫩滑，都幾吾錯，估吾到雞油同鱈魚都幾夾喎。-跟住係老干媽雞絲炆伊麵，老干媽果然係冇得頂，再加上雞絲同夠晒獲氣嘅伊麵，幾吾錯。-最後嘅甜品係燕窩楊枝甘露，顆粒感十足，味道吾會太甜，啱啱好，非常滿足。