鮨石 (Closed)

鐘意食omakase嘅原因係不單可以享受到時令新鮮食材，而且每次廚師用心制作都帶來無限驚喜。今次俾到驚喜我就係位於尖沙咀寶勒巷"鮨石"。店鋪雖然細小，座位不多只可以坐9個人，但甘樣拉近同廚師距離，更親切。廚師健談幽默，每道菜都好有耐心講解。前菜北海道瀨尿蝦再加上湯叶及冬瓜味道清淡，作為前菜最適合不過。九州象拔蚌配有岩鹽一齊食咸咸地又爽口好特別。北海道香箱蟹，原來香箱蟹的蟹籽分為‘’內子‘’及"外子”，上面橙黃色係外子，內子已經和一梳梳飽滿蟹肉容為一體，蟹肉相當鮮甜。華漣蠔，蒸左大約只有2分鐘，所以creamy程度剛剛好，不會太漿口。壽司以伊豆半島地金目鯛我最鐘意，色澤鮮紅，脂肪豐厚，魚味突出。仲有鰤魚口感柔軟細滑，油分較重。蛇腹拖羅用備長炭灸過，魚油帶有燻烤炭香。北海道毛蟹燒賣呢個做法好少見，幾特別，蟹肉拆左變成燒賣，蟹肉夾埋魚籽食口感豐富， 上面放左銀箔好精緻。甜品赤肉密瓜配豆腐雪糕[