麵屋一燈 (Closed)

沾麵係以雞湯做底，再加入魚介，即係昆布同埋木魚等調製而成，所以飲落味道好鮮甜本身雞湯的油分亦增加了湯的濃稠程度使得麵條好易掛湯👍🏻雖然個湯比較易變冷，但勝在係可以加熱番碗湯，確保每啖都熱辣辣🔥跟餐仲有一小碟由辣椒同埋櫻花蝦等磨成的調味粉送麵一齊食，岩曬食辣嘅朋友仔如果食完個湯有淨仲可以加埋個特製木魚湯入去中和番個濃度，飲落亦別有一番風味.鹽味拉麵係以雞湯做底，再加上干貝醬汁調製而成雖然佢嘅麵條比沾麵幼細，但亦十分彈牙😋配合埋流心蛋、雞肉同埋慢煮叉燒一齊食真係好豐富~跟餐仲附送一個蒜蓉瑤柱醬放在湯麵上一齊食亦都係唔錯的選擇.雞軟骨嘅份量好多，有滿滿嘅一大碟因為炸得夠哂脆，所以每啖咬落去都‘Sharp Sharp’聲🤣旁邊仲有檸檬汁同埋沙律醬比大家點.碳燒叉燒係期間限定嘅菜式每片叉燒比例均勻，肥瘦相間🐷咬落去口感好豐富.💬每次行過海港城，都好想試一試個一排望住維港景色的餐廳，今日終於得償所願。一路望着維港對岸五光十色的高樓夜景，一路嘆住個沾麵，正🥰。