Video
Read full review
2024-09-07
2625 views
今個禮拜同屋企人慶祝生日，緊係要食得好啲🫡，所以就去左有米之蓮⭐️，瑰麗酒店入面嘅彤福軒坐低之前侍應會好細心咁為每位客人拉凳，同埋鋪上餐巾，再慢慢介紹食物，服務果然係五星級👍👍柚香水晶柚皮 $168我哋首先食咗個前菜，用陳醋同柚子醬腌製過嘅柚皮酸酸甜甜，食落完全冇果皮嘅苦澀味。仲有柚皮旁邊嘅意大利辣椒仔，同樣腌左之後酸酸甜甜，爽口得黎一啲都唔辣老陳皮彤福拆魚餃 $98跟住就係第一樣點心，拆魚餃用左桂花魚嘅魚肉整成，魚肉食落口好有質感，唔會好似出面咁變左魚蓉，再加上呢個咁可愛嘅賣相，簡直係冇得輸❤️富貴瀨尿蝦餃 $64/件 (兩件起）瀨尿蝦餃係用左新鮮嘅瀨尿蝦原隻拆肉而成，望到張相咁晶瑩剔透就知道個餃皮係十分之薄，入面再配埋Q彈Q彈嘅蟹子，鮮味💯雲腿瑤柱蘿蔔絲酥 $98唔好睇呢樣點心好似好普通咁，呢到嘅蘿蔔絲係手切，每條都切到超級幼細，配埋少量金華火腿同瑤柱碎，味道又鮮甜又清新二十四年東甲陳皮芋蓉香酥鴨 $380黎到主菜，我哋叫左個香酥鴨，本身我自己唔太鐘意陳皮有陣苦味，但廿四年嘅陳皮果然不同，完全只有陳皮香氣，配埋鴨肉同芋頭蓉一齊炸，酥脆得黎又中和到個油膩感五彩炒魚麵 $320呢一味係餐廳
坐低之前侍應會好細心咁為每位客人拉凳，同埋鋪上餐巾，再慢慢介紹食物，服務果然係五星級👍👍
柚香水晶柚皮 $168
我哋首先食咗個前菜，用陳醋同柚子醬腌製過嘅柚皮酸酸甜甜，食落完全冇果皮嘅苦澀味。仲有柚皮旁邊嘅意大利辣椒仔，同樣腌左之後酸酸甜甜，爽口得黎一啲都唔辣
老陳皮彤福拆魚餃 $98
跟住就係第一樣點心，拆魚餃用左桂花魚嘅魚肉整成，魚肉食落口好有質感，唔會好似出面咁變左魚蓉，再加上呢個咁可愛嘅賣相，簡直係冇得輸❤️
富貴瀨尿蝦餃 $64/件 (兩件起）
瀨尿蝦餃係用左新鮮嘅瀨尿蝦原隻拆肉而成，望到張相咁晶瑩剔透就知道個餃皮係十分之薄，入面再配埋Q彈Q彈嘅蟹子，鮮味💯
雲腿瑤柱蘿蔔絲酥 $98
唔好睇呢樣點心好似好普通咁，呢到嘅蘿蔔絲係手切，每條都切到超級幼細，配埋少量金華火腿同瑤柱碎，味道又鮮甜又清新
二十四年東甲陳皮芋蓉香酥鴨 $380
黎到主菜，我哋叫左個香酥鴨，本身我自己唔太鐘意陳皮有陣苦味，但廿四年嘅陳皮果然不同，完全只有陳皮香氣，配埋鴨肉同芋頭蓉一齊炸，酥脆得黎又中和到個油膩感
五彩炒魚麵 $320
呢一味係餐廳其中一道非常考功夫嘅招牌菜，全部魚麵都係用生拆桂花魚肉手打而成，每一條都打得十分彈牙，上菜前見到師傅喺廚房入面用猛火不斷翻炒，到上菜嘅時候成碟魚麵都係噴煙，認真有鑊氣
茶芥 $46/位
我哋叫咗龍井茶，值得一讚嘅係，侍應會喺茶包變淡之後自動自覺換過一個新嘅茶包👍
Post
