Video
Read full review
2024-07-08
427 views
今次同朋友慶祝生日，特意揀咗呢間特色鐵板燒，廚師細心介紹每道菜，而且仲要好好食，食材有誠意，擺盤好靚，整體性價好高。而且仲有得寫祝福語，模擬放天燈許願，適合打卡同慶祝節日🥳仲有鐵板燒房可以book，坐到10-12人，有特別節日慶祝可以考慮吓呢間鐵板燒。今次我哋就叫咗星同埋月嘅套餐😍⭐️午市套餐（星）一人前 $380/位🔶沙律 - 新鮮嘅沙律菜，加上日本胡麻醬好開胃🔶帆立貝 - 帆立貝煎得唔會好乾身，配搭魚子醬同特製醬汁，充分帶出帆立貝鮮味🔶汁煮白鱈魚 - 鱈魚嘅魚皮煎到脆皮，魚肉煎到金黃色之後再放喺洋蔥湯入面，洋蔥湯用咗日本洋蔥再加煲湯煮食，超清甜，配搭鱈魚好夾🔶大蝦 - size幾大，先煮蝦頭，蝦頭嘅汁再用黎煎蝦身，份外香噴噴，蝦肉都好鮮甜爽口㗎🔶美國牛肉薄燒 - 原來發燒都可以咁好食，首先炒咗啲羽衣甘藍，輕輕煎啲牛肉配搭炸蒜同埋芥末醬，好好食🔶櫻花蝦炒飯 - 鮮炒香櫻花蝦，再加入日本醬汁炒飯，最後一定要加隻日本蘭王太陽蛋，米飽炒得鹹香乾身，即刻飽哂，大滿足🔶漬物 - 有牛蒡同埋青瓜當小食🔶吸物 - 最後送上海帶麵豉湯暖胃🔶甜品 - 可以揀甜品或咖啡，我哋揀咗甜品，竟然係開心果雪糕，好
今次同朋友慶祝生日，特意揀咗呢間特色鐵板燒，廚師細心介紹每道菜，而且仲要好好食，食材有誠意，擺盤好靚，整體性價好高。而且仲有得寫祝福語，模擬放天燈許願，適合打卡同慶祝節日🥳
仲有鐵板燒房可以book，坐到10-12人，有特別節日慶祝可以考慮吓呢間鐵板燒。
今次我哋就叫咗星同埋月嘅套餐😍
⭐️午市套餐（星）一人前 $380/位
🔶沙律 - 新鮮嘅沙律菜，加上日本胡麻醬好開胃
🔶帆立貝 - 帆立貝煎得唔會好乾身，配搭魚子醬同特製醬汁，充分帶出帆立貝鮮味
🔶汁煮白鱈魚 - 鱈魚嘅魚皮煎到脆皮，魚肉煎到金黃色之後再放喺洋蔥湯入面，洋蔥湯用咗日本洋蔥再加煲湯煮食，超清甜，配搭鱈魚好夾
🔶大蝦 - size幾大，先煮蝦頭，蝦頭嘅汁再用黎煎蝦身，份外香噴噴，蝦肉都好鮮甜爽口㗎
🔶美國牛肉薄燒 - 原來發燒都可以咁好食，首先炒咗啲羽衣甘藍，輕輕煎啲牛肉配搭炸蒜同埋芥末醬，好好食
🔶櫻花蝦炒飯 - 鮮炒香櫻花蝦，再加入日本醬汁炒飯，最後一定要加隻日本蘭王太陽蛋，米飽炒得鹹香乾身，即刻飽哂，大滿足
🔶漬物 - 有牛蒡同埋青瓜當小食
🔶吸物 - 最後送上海帶麵豉湯暖胃
🔶甜品 - 可以揀甜品或咖啡，我哋揀咗甜品，竟然係開心果雪糕，好香濃
🌙午市套餐（月）一人前 $380/位
🔷沙律
🔷鵝肝多士 - 鵝肝入口即溶，好香油脂味，柚子煮成嘅啫喱可以解膩，令多士層次更豐富
🔷汁煮白鱈魚
🔷廣島蠔 - 呢隻日本蠔好肥美飽滿，用日本醬油照燒，加入炒香櫻花蝦，啖啖鮮味
🔷美國牛肉厚燒 - 厚燒牛肉點咗五成熟，眼見牛肉粉嫩，多汁而牛味濃，配芥末醬都好食
🔷櫻花蝦炒飯
🔷漬物
🔷吸物
🔷甜品
(兩個套餐一樣嘅食物就唔額外重複寫)🙏🏻
**另收加一服務費**
—
Post
