鬼金棒

Open Now

Now Closed

話說好耐都無食拉麵，咁岩今晚約埋同事睇戲，見未夠鐘咪食埋晚飯先，傾傾下佢介紹附近有間食日式麻辣拉麵既鋪頭，唔講咁多，即時叫佢帶我黎啦～一入鋪頭發現裝修都幾有特色，以「惡鬼」為主題等左15分鐘左右，今日主角終於出場 - 「特製麻辣味噌拉麵」，雖然本身好鍾意食辣，但人老左腸胃唔受得， 所以今次只係叫咗中辣， 第一時間當然要試吓湯底， 果然冇令我失望， 入口味增味非常濃郁， 但係又唔覺得好鹹， 而且辣到適中(大約係譚仔三小辣程度)， 同埋有少量花椒， 香得來又唔會太搶。 佢地亦用咗較粗嘅麵條， 彈牙得來都掛湯， 叉燒方面用左厚切五花腩，雖然唔算話好入味， 但係非常之淋，配合較濃既湯底是ok的， 流心蛋就反而有少許失望，時間火侯仲未夠， 有一半蛋白依然係流質狀態。總括而言， 其實係幾有特色，因為辣嘅拉麵係香港唔多，值得一試，只係價錢貴左少少。