鮮入圍煮花膠雞海鮮火鍋

Open Now

Now Closed

人氣花膠雞湯海鮮火鍋店，除左主打既花膠雞湯，仲有9款精選湯底可供選擇，甚至可以揀鴛鴦鍋；火鍋配料就有肉類、海鮮及小食、丸類及麵食、蔬菜類、雜類等。花膠雞湯(半隻)：湯底用左半隻雞和大量既花膠熬製而成，香氣四溢；雞湯滾起後，店員會幫忙將雞肉和花膠剪開，跟住就可以喝湯，味道鮮甜而黏口，雞味濃郁而且雞肉很有彈性，花膠好厚身，炆得好腍，滋補養顏，實在令人回味無窮。手切頂級安格斯牛肉：安格斯牛油脂分佈平均，肉質柔軟，牛味特別濃郁。胡椒豬肚貢丸：貢丸口感彈牙，肉汁豐富，帶少許胡椒辛辣味道，份外惹味。牛骨髓：入口幼滑，充滿骨膠原。炸響鈴：用左厚身既腐皮捲成，放落熱湯幾秒，已經吸收晒湯汁既精華。百福豆腐：豆腐熱辣辣，滑溜口感，好正。鮮嫩荀尖片：白滑既荀肉，味道清新又醒胃，火鍋必配。特式飲品：咸檸7和道地解茶，係我哋食火鍋必點飲品，解渴消滯。總結，食材高質，足料又新鮮，性價比超高。