翠林辣蟹舫

環境光猛，設有卡位同圓枱，仲有個魚缸供應游水海鮮！👉🏻話梅涼瓜 $68呢道開胃菜清新可口，話梅嘅微酸同涼瓜嘅清脆，好解膩！👉🏻黃金流沙蝦球 $96共兩件，唔係一個個波嘅型狀，勁大件，外表金黃酥脆，蝦肉鮮嫩彈牙仲配有個小沙律，層次豐富！👉🏻食神炒飯 $188以魚嘅姿態岀現，栩栩如生！打卡一流！飯粒分明，豐富嘅配料，炒製火候適中，完全唔會有油膩感！👉🏻濃湯大花膠鮮雞湯 $788豐厚溫潤，散發住濃郁嘅雞湯香氣，花膠嘅滑嫩質感，雞肉唔鞋，共有四碗湯，醇厚又滋養嘅口感！👉🏻豬油渣炒福菜花 $148椰菜花勁入味，香口，香酥味濃！