Video
Read full review
2020-10-06
2937 views
我們每10年就來一次慶祝我的生日，今次已經係第三來！ 但是可能要說聲後會有期😢全體而言都是一般老店的問題，但是作為一間餐廳出品及服務質素對顧客都是重要，以下都是我在今次的體驗：1）每位服務員都像是趕收工，可能在中秋假期最後的一天會比較滿，但也要顧及客人的感受，這方面是要著眼！一入門口見到一位女接待員帶位時，已經馬虎了事，她只能帶進2步就指住她身邊的樓梯級說：直上二樓！要客人自己行上，我們到了二樓後要再等另外一位男侍應帶位，我們又要再從頭講一次自己姓咩、幾時、幾位，個男侍應還有點猶豫左陣想緊自己有冇帶錯！因為我們是5位在限聚令要分開2枱，可見一斑是否足夠的專業🤦🏼♀️2）坐下來時只顧住問飲咩呀你哋？要有汽定冇汽？ 聽到我們一頭霧水！原來是問支裝水要有汽定冇汽！ 請你不要太過趕唔切問客人問題可否幫忙說清楚點，好嗎？我們回答要和暖水，但係最後都係比熱到滾的滾水給我們☹️3）要問才給予我們的餐牌☹️4）當我老細仲猶豫緊散叫定係Set Dinner 時，老男侍應只說：咁你自己慢慢睇，完全沒有意識介紹一下你們餐廳的出品或者有冇一些特別出眾的美食甚至係廚師推介等等☹️5）落單後就等麵包來，有個相對比較肥胖
全體而言都是一般老店的問題，但是作為一間餐廳出品及服務質素對顧客都是重要，以下都是我在今次的體驗：
1）每位服務員都像是趕收工，可能在中秋假期最後的一天會比較滿，但也要顧及客人的感受，這方面是要著眼！
一入門口見到一位女接待員帶位時，已經馬虎了事，她只能帶進2步就指住她身邊的樓梯級說：直上二樓！要客人自己行上，我們到了二樓後要再等另外一位男侍應帶位，我們又要再從頭講一次自己姓咩、幾時、幾位，個男侍應還有點猶豫左陣想緊自己有冇帶錯！因為我們是5位在限聚令要分開2枱，可見一斑是否足夠的專業🤦🏼♀️
2）坐下來時只顧住問飲咩呀你哋？要有汽定冇汽？
聽到我們一頭霧水！原來是問支裝水要有汽定冇汽！ 請你不要太過趕唔切問客人問題可否幫忙說清楚點，好嗎？
我們回答要和暖水，但係最後都係比熱到滾的滾水給我們☹️
3）要問才給予我們的餐牌☹️
4）當我老細仲猶豫緊散叫定係Set Dinner 時，老男侍應只說：咁你自己慢慢睇，完全沒有意識介紹一下你們餐廳的出品或者有冇一些特別出眾的美食甚至係廚師推介等等☹️
5）落單後就等麵包來，有個相對比較肥胖後生嘅男侍應（其實都有40歲左右㗎啦）完全冇禮貌地咁講：你哋要咩包呀？多士定法包？語氣極像只能夠選擇其一，又好似去咗茶餐廳一樣叫快餐咁！這樣高收費場所只有茶餐廳的服務，今時今日在疫症時候更加要有好嘅禮貌才會有回頭客！
哪怕佢可能係一個part-time嘅侍應呢？最後當然完全唔敢指望佢會主動問要唔要refill ☹️☹️☹️
6）上菜速度都是正式法國餐廳特色慢⋯
慢就係比顧客細心品嚐，品嚐廚師嘅心機、功力、技巧！西餐廳都係着重presentation，但係這餐廳只能夠說是緊緊合格！
我們一行五人叫咗兩份三個course + 兩份四個course + 散叫一個Appetizer + Main course
- 香煎法國鮮鴨肝
煎得甘香但不太脆，可能因為當天太多客人慢咗一啲上枱所以諗左一啲，但入口即溶鮮嫩可口😋😋
- 無骨乳鴿腿沙律
不過不失、賣相一般、可食可唔食😋
-蜆肉周打湯
杰撻撻好creamy ，真係有一啲似金寶湯，不過冇金寶咁死鹹！ 有好多蜆肉，都係不過不失，賣相一般！
-馬賽海蝦湯
呢個真係錯晒嘅選擇。雪🦐、死實實又有雪味
- 帶子煙三文魚沙律
這個是老細散叫的$460都頗貴，有3隻帶子、三片煙三文魚、少少雜菜，帶子肉質彈牙鮮甜、三文魚新鮮，整體中上😀
主菜
散叫咗一個香草焗羊鞍$540 係有一排四件嘅火候恰當生熟程度就係正正係心中所想要嘅帶有少少血水，肉汁濃郁配完個焗蒜子完美配搭（心中憶起10年前同樣叫這個是當時侍應還十分殷勤，慢慢細說每一道材料嘅來歷烹飪嘅技巧以及特別之處）😋
- 扒牛扒及帶子配紅酒汁
牛扒非常之非常之淋滑但欠缺肉香，紅酒汁都十分淡淡😋
- 扒特選羊扒配薄荷汁
比起散叫嘅係細件啲仲只有三件，這個都係正常嘅因為價錢都唔一樣啦！勝在羊肉質素都好好、唔會有蘇味😋
- 香煎鱸魚伴炸生蠔配淡龍蝦汁
賣相十份似嘔吐物，已經十分之不吸引！
但好在魚味十足肉質厚身紮實，只係醬汁太多啦！炸生蠔亦是已經凍哂☹️
甜品
整體上中規中矩唔差但冇乜驚喜！
疏乎厘個甜咗啲😋
平時咖啡或茶都一定唔會提㗎啦，但今次都一定要講少少，因為個咖啡完全唔得只有苦味！佢一定唔係用即磨咖啡豆😕
喜出望外知生日蛋糕，睇過其他食評見到佢都話死實實硬繃繃，事實食自己嗰個生日蛋糕嗰陣時覺得非常之好食😋，拿破崙蛋糕鬆脆香軟兼且忌廉小，冇咁快林，但真係已經食唔到啦好飽，所以打包左一半回家，到咗第二晚食都係咁好食😋
我會覺得因為我嗰晚每一枱顧客都有慶祝生日或者週年紀念所以每一枱都有個蛋糕咁個蛋糕咪好新鮮囉！
總結：
食物：中上😋😋
如果本人是之前冇來過就會覺得好好，因為冇得比較，但現實不是我已經第三次嚟啦，比較10年同20年之前嘅話就已經退步咗少少🤏
環境：高級、高貴、十年如一日好似時光倒流70年一樣，感覺都幾十年前嘅奢華享受😀😀😀
服務：真的，以前冇咁多顧客時侍應們都會比較細心還會問女士們冷氣凍唔凍啊，自動自覺會加暖水，一位侍應服務兩張枱左右！
但今次都唔知邊位侍應係服務自己張枱同一般餐廳冇乜分別😕😕
如今客似雲來希望係因為網紅介紹過的關係才有今日侍應們消化不來，而不是侍應們的退步，請加努力💪🏻
Post
