金沙角美食小厨

Open Now

Now Closed

就快絕跡嘅大排檔（金沙角美食小廚）大排檔係香港特色之一，以前係好多大排檔，而家買小見小，因為全部都已經入哂鋪頭，咁懷舊嘅大排檔真係聊聊可數，大排檔咁當然係食小菜，蠔餅，海鮮等。首先講下呢度炸蠔餅，真係超級足料，非常多蠔肉，仲要炸到超級脆卜卜，再點少少魚露係我必叫之一。苦瓜炆班腩，呢道菜真係好有味道！苦瓜嘅苦味同班腩嘅肥膩搭埋一齊，班腩炆得軟軟，吸咗苦瓜嘅味，食落去有種回甘嘅感覺。蒜蓉炒豆苗，呢道菜就簡單又好食。宮保雞丁，雞丁炒得香脆，配上腰果同芹菜，口感層次好豐富。腰果嘅香脆，真係食到停唔到口。沙拉骨就係一個好滋味嘅選擇，肉質嫩滑，味道濃郁。用沙律煮出嚟嘅豬扒啖啖肉酸酸甜甜超級好送飯。