大山日本料理

Open Now

Now Closed

出旺角買完電話，抬頭一望就見到呢間裝修好靚嘅居酒屋，水牌見到係位於2樓嘅大山日本料理，二話不說就衝上去。雖然有特價餐牌，但我就要揀主餐牌。燒雞泡魚乾送酒一流。海鮮沙律有滿滿嘅沙律菜，刺身款式都幾豐富。角切魚生款式多。三文魚加州卷上面仲加有沙律醬同蟹籽，唔使點豉油都夠晒味。海膽炒飯即叫即炒，新鮮熱辣。海膽同蟹籽嘅份量都唔少，夠晒惹味。行街行到熱辣辣，當然要飲番杯冰凍梳打。梅酒梳打味道比較清，不過都帶有點點酒香。巨峰乳酸梳打味道相對地豐富。