Video
Read full review
2024-12-16
239 views
❰花華和食屋❱📍屯門良德街8號珀御地下G06號舖呢間店我係响d拉麵關注群組睇👀返黎，而且唔係一兩個話佢正，係好幾個都咁講。空穴來風，未必無因，一於搵日時間鬆動d，遠d都要去探一探店！先想話，間店個門面係我未見個咁靚，真係未食先贏左印象分！裝修都好靚仔。《熟成醬油拉麵🍜》香味 (5/5)嘩，不得了，個香味真係非常充足。聞得出又睇得出佢係加左層雞油，真係香到一個點！湯 (5/5)嘩，又係不得了咁好！未講味道，首先鹹度係完美，唔會過鹹。除左醬油味同雞油味相當討好之外，煮干(魚乾)嘅味道都好出。鹹，甜，香，全部齊晒之餘，味道仲相當平衡。麵條 (5/5)又係正，中細麵，直身，爽口彈牙，韌性夠，麵味夠，配個醬油湯好夾！配料 (5/5)雞叉燒方面，用嘅係雞腿肉，入味，肉味夠，嫩滑度正常。豬叉燒方面，用嘅係豬五花，同樣都係入味肉味夠，又唔會好油膩 ，好食！另外要重點 highlight 一下佢嘅菇，選料係黑松茸，清甜，菇味濃，口感爽脆，無懈可擊！另外仲有塊24個月風乾帕馬火腿，油香肉香都係非常夠，又唔會好鹹，連埋d麵一齊食又係正。最估佢唔到係有一粒雲吞，呢一個做法响香港🇭🇰我係第一次經歷，响日本🇯🇵好
📍屯門良德街8號珀御地下G06號舖
呢間店我係响d拉麵關注群組睇👀返黎，而且唔係一兩個話佢正，係好幾個都咁講。空穴來風，未必無因，一於搵日時間鬆動d，遠d都要去探一探店！
先想話，間店個門面係我未見個咁靚，真係未食先贏左印象分！裝修都好靚仔。
《熟成醬油拉麵🍜》
熟成醬油拉麵🍜
$108
0 views
0 likes
0 comments
香味 (5/5)
嘩，不得了，個香味真係非常充足。聞得出又睇得出佢係加左層雞油，真係香到一個點！
湯 (5/5)
嘩，又係不得了咁好！未講味道，首先鹹度係完美，唔會過鹹。除左醬油味同雞油味相當討好之外，煮干(魚乾)嘅味道都好出。鹹，甜，香，全部齊晒之餘，味道仲相當平衡。
麵條 (5/5)
又係正，中細麵，直身，爽口彈牙，韌性夠，麵味夠，配個醬油湯好夾！
配料 (5/5)
雞叉燒方面，用嘅係雞腿肉，入味，肉味夠，嫩滑度正常。
豬叉燒方面，用嘅係豬五花，同樣都係入味肉味夠，又唔會好油膩 ，好食！
另外要重點 highlight 一下佢嘅菇，選料係黑松茸，清甜，菇味濃，口感爽脆，無懈可擊！
另外仲有塊24個月風乾帕馬火腿，油香肉香都係非常夠，又唔會好鹹，連埋d麵一齊食又係正。
最估佢唔到係有一粒雲吞，呢一個做法响香港🇭🇰我係第一次經歷，响日本🇯🇵好多店都係咁做。粒雲吞係雞肉餡，算好味，唔係特別驚艷。
溏心蛋，好好食，有入味，蛋味香濃，有流心！
最後，當然係乜都清晒啦！
整體 - 值得推薦 👍👍👍👍👍
有唔少網民都話，醬油湯佢接近係香港🇭🇰嘅 no.1， 我開初都唔信，試過之後我完全贊同！聽聞呢間店個老闆都好認真，會不斷改進味度。我認為呢碗麵嘅味道已經相當令我滿足😌，期待佢地會精益求精，我一定會返轉頭再試！
Post
