Video
Read full review
2023-01-15
12 views
呢晚唔想煮 同屋企人出咗去食喺荃灣搵食 選擇夠晒多今日打算試呢間日式串燒店位於寶石大廈附近 平時好少行過店面環境光猛企理乾淨用埋木系嘅枱凳 有文青cafe嘅感覺而且串燒店嚟講 佢一啲都唔會令人感覺油煙感覺好chill5點幾嚟到 都坐咗幾枱 人氣算唔錯串燒選擇都好多 大部分都係十幾二十蚊一串性價比好高 仲要唔收加一 用QR code落單超方便款款都好吸引好想食前菜牛粒沙律仲要係免費架 青瓜好fresh好開胃牛粒牛味香濃 份量仲要唔少 加埋鵪鶉蛋 好好食好開胃😋感受到店家誠意滿滿蒜蔥封門柳 蒜蓉同蔥勁香牛柳嫩滑 燒得外脆內嫩鹽燒牛舌好大件 食落去好爽脆牛味亦非常濃郁芝士流心蛋大啡菇打卡必點！一切開 蛋漿爆出嚟芝士鋪滿成個菇 燒得好香裡面有洋蔥 一啖食落去 口感好豐富燒鴨舌 好少喺出面食燒嘅鴨舌味道都非常好 好有嚼口好惹味可以再encore多幾件野菜豬肉卷卷上幾層椰菜 食落去唔會覺得油有蔬菜平衡中和返豬肉嘅味道 香而不膩牛油蕃薯仔好綿滑 外層搽上一層牛油令外表更香 燒完外皮帶脆甜甜地又暖笠笠豚肉露荀卷呢個有4件 中間卷住我最愛嘅露荀豚肉同蔬菜永遠都係perfect match👍🏻燒羊架 鍾意
喺荃灣搵食 選擇夠晒多
今日打算試呢間日式串燒店
位於寶石大廈附近 平時好少行過
店面環境光猛企理乾淨
用埋木系嘅枱凳 有文青cafe嘅感覺
而且串燒店嚟講 佢一啲都唔會令人感覺油煙
感覺好chill
5點幾嚟到 都坐咗幾枱 人氣算唔錯
串燒選擇都好多 大部分都係十幾二十蚊一串
性價比好高 仲要唔收加一
用QR code落單超方便
款款都好吸引好想食
前菜牛粒沙律仲要係免費架
青瓜好fresh好開胃
牛粒牛味香濃 份量仲要唔少
加埋鵪鶉蛋 好好食好開胃😋
感受到店家誠意滿滿
蒜蔥封門柳 蒜蓉同蔥勁香
牛柳嫩滑 燒得外脆內嫩
鹽燒牛舌
好大件 食落去好爽脆
牛味亦非常濃郁
芝士流心蛋大啡菇
打卡必點！一切開 蛋漿爆出嚟
芝士鋪滿成個菇 燒得好香
裡面有洋蔥 一啖食落去 口感好豐富
燒鴨舌 好少喺出面食燒嘅鴨舌
味道都非常好 好有嚼口好惹味
可以再encore多幾件
野菜豬肉卷
卷上幾層椰菜 食落去唔會覺得油
有蔬菜平衡中和返豬肉嘅味道 香而不膩
牛油蕃薯仔
好綿滑 外層搽上一層牛油
令外表更香 燒完外皮帶脆
甜甜地又暖笠笠
豚肉露荀卷
呢個有4件 中間卷住我最愛嘅露荀
豚肉同蔬菜永遠都係perfect match👍🏻
燒羊架 鍾意食羊嘅朋友必點！
帶有少少羊嘅微臊味
燒得外表香脆
裡面嫩紅 好好食😋
燒白鱔 保留到魚嘅香滑
又有燒烤嘅口感 香脆可口
月見免治雞肉軟骨棒
日式餐廳必點😆
生雞蛋加上蠔油豉油
雞肉嫩滑 外表燒過好香 裡面綿綿滑滑
加埋醬汁勁好食！
牛肉稻庭烏冬
冇諗過40幾蚊咁大碗咁多牛肉
真係好鍾意食日式烏冬
湯底清爽又唔會冇味 加上紫菜 係日本嘅味道🥹
牛肉半生熟 可以按自己喜好整熟佢
食落去好嫩好滑 好滿足❤️
Post
