Video
Read full review
2024-12-27
42 views
有人去居酒屋聚會鍾意傾下計、飲下sake，我就醉翁之意不在酒🤪在於食物嘅質素😆銅鑼灣呢間居酒屋Akoya就做到又可以嘆靚日本酒、又可以食到高質料理，一舉兩得😎佢哋嘅餐牌選擇不多，都係以小食、刺身、串燒為主，不過貴精不貴多，好多款味道都好出色😋好似海膽燒蠔、卡邦尼烏冬、雞蛋布甸等，聖誕新年聚會揀呢度一定可以滿足唔同朋友👏🏻🍳明太子煎蛋卷 $88表面睇嚟無乜特別，但內有乾坤，切開即爆開滿瀉嘅明太子餡🤩有蛋香又有明太子鹹香，蛋卷又鬆軟，好滿足🥳🐟刺身7點盛 $380每日根據時令款式提供新鮮刺身，呢日就有平目魚、伊佐木、深海池魚、赤貝、拖羅等，每一款都好厚切又極新鮮😍每款都食出不同鮮味，拖羅超級肥美軟滑，好高質😋🦪海膽汁燒蠔 $118用鐵板上keep住熱辣辣🔥蠔肉大隻飽滿爆汁，外層裹上脆皮及濃郁嘅海膽醬，醬汁嘅鹹香加上蠔嘅鮮味，好惹味😚🍢牛腹肉串 $88、宮崎A4和牛串 $148、鹽燒牛舌 $78串燒有不少款式，牛肉類幾高質，牛腹肉爽彈juicy💦A4和牛則油花十足好邪惡😈牛舌頗大份，好煙韌。🥓豚軟骨蔥鹽汁燒 $78豬肉都唔錯，幾juicy，調味剛好👍🏻🍆茄子 $28野菜裡有茄子、秋葵、蕃薯等
🍳明太子煎蛋卷 $88
表面睇嚟無乜特別，但內有乾坤，切開即爆開滿瀉嘅明太子餡🤩有蛋香又有明太子鹹香，蛋卷又鬆軟，好滿足🥳
🐟刺身7點盛 $380
每日根據時令款式提供新鮮刺身，呢日就有平目魚、伊佐木、深海池魚、赤貝、拖羅等，每一款都好厚切又極新鮮😍每款都食出不同鮮味，拖羅超級肥美軟滑，好高質😋
🦪海膽汁燒蠔 $118
用鐵板上keep住熱辣辣🔥蠔肉大隻飽滿爆汁，外層裹上脆皮及濃郁嘅海膽醬，醬汁嘅鹹香加上蠔嘅鮮味，好惹味😚
🍢牛腹肉串 $88、宮崎A4和牛串 $148、鹽燒牛舌 $78
串燒有不少款式，牛肉類幾高質，牛腹肉爽彈juicy💦A4和牛則油花十足好邪惡😈牛舌頗大份，好煙韌。
🥓豚軟骨蔥鹽汁燒 $78
豬肉都唔錯，幾juicy，調味剛好👍🏻
🍆茄子 $28
野菜裡有茄子、秋葵、蕃薯等，茄子燒得剛好，面頭加上木魚更有層次😽
🍙三文魚三文魚子燒飯糰 $78
燒飯糰必食，放耐咗依然夠脆🤓外面燒到有飯焦，面頭放上大量三文魚子，鮮味突出😋
🍜雞湯卡邦尼拌烏冬 $98
除咗飯糰，連烏冬呢個主食都出色😋烏冬屬於煙韌彈滑口感，醬汁好濃郁，充滿芝士香，雖然已經飽到上心口但都忍唔住一啖接一啖😚
🍮雞蛋布甸 $38
好多人嚟一定會叫雞蛋布丁，皆因真係特別出色🥳布丁超級滑溜，帶少許custard嘅口感，有濃郁蛋味同雲尼拿籽味，仲食到好香嘅焦糖味😋必食😎
🍹檸檬茶酒、香檸Mojito $58/each
清酒有好多品牌同款式，有時部份款式會有特價，記得留意🤑其他飲品仲有比較特別嘅檸檬茶酒、香檸mojito等，比較清新😛
推介指數（10分為滿分）：8.5分
Post
