Video
Read full review
2018-05-17
1220 views
好耐無嚟呢個屋邨商場，開咗幾間新食肆，漁樂係其中一間亦係最多人排隊，朋友最鐘意食星馬泰菜，決定喺度食晏。呢度座位都算舒適，唔太逼硤，但因為食晏時間多人，二人枱都要搭，我哋四個就安排坐卡位。服務方便就係普通茶餐廳咁，我哋四人叫咗四個午餐加四個小食，份量足夠，味道亦唔錯。海南雞·雞油香飯應該係總會點嘅食物之一，雞肉嫩滑，有雞脾位亦有雞胸，雞胸肉唔鞋口，油飯粒粒分明，食落有啲偏乾。泰“正”金不換炒金邊粉，幾惹味，怕辣嘅我都食到，原本放喺面嘅花生醉，糖同辣椒乾放喺隔離，食客可因應自己喜好加入粉度，夠細心。星洲黑胡椒蝦仁炒手打烏冬，有啲辣，烏冬夠爽滑。青咖哩魚塊·泰國香米飯，辣味適中，唔食得辣都接受到，魚外面炸得有啲硬，唔鬆脆。有咖喱點少得香酥手抓餅小食。外脆內熱嘅脆炸素春卷。黑醬牛油雞翼，好好味，夠大隻唔會炸到乾啲肉嫩滑，唔會太鹹，我哋再叫多一份。左係芒果梳打，右邊係菠蘿梳打，味道幾清新。
海南雞·雞油香飯應該係總會點嘅食物之一，雞肉嫩滑，有雞脾位亦有雞胸，雞胸肉唔鞋口，油飯粒粒分明，食落有啲偏乾。
泰“正”金不換炒金邊粉，幾惹味，怕辣嘅我都食到，原本放喺面嘅花生醉，糖同辣椒乾放喺隔離，食客可因應自己喜好加入粉度，夠細心。
星洲黑胡椒蝦仁炒手打烏冬，有啲辣，烏冬夠爽滑。
青咖哩魚塊·泰國香米飯，辣味適中，唔食得辣都接受到，魚外面炸得有啲硬，唔鬆脆。
有咖喱點少得香酥手抓餅小食。
外脆內熱嘅脆炸素春卷。
黑醬牛油雞翼，好好味，夠大隻唔會炸到乾啲肉嫩滑，唔會太鹹，我哋再叫多一份。
左係芒果梳打，右邊係菠蘿梳打，味道幾清新。
Post
