Video
Read full review
2022-07-31
244 views
旺角豉油街一帶有唔少餐廳食肆，一直往仕德福酒店行到街尾，忽然見到亮眼、新簇簇的紫色外牆，配有大大個方形玻璃窗，感覺像一卡卡的火車。翻一吓餐牌，感覺價錢都合理，內裡坐位也舒服，就入左去食晚餐。 仔細睇餐牌揀食物，發覺呢度嘅食物有著不少港人回憶，鐵板餐、黑牛、紅豆冰、滾水蛋、唂咕等，諗起小時候跟著父母去扒房鋸扒。加上餐廳裝修也確實有幾分懷舊，燈光昏暗、水晶吊燈、高背椅、啡色卡座等。未進食，已嚐到一份令人回味嘅舊香港味道。 不過話說回來，雖然有著港式扒房嘅回憶，但食物也有新派嘅生酮選擇，鐵板餐除左傳統嘅汁料更有熱溶芝士(+$18可轉芝士)，我同朋友都係芝士控，各自選了一個鐵板餐。🥘20cm吉列豬扒($118+$25轉套餐) 鐵板餐上枱時嚇了一跳，對20cm完全無概念，但上枱時見到塊吉列豬差不多完美填滿一整塊鐵板，真心$118呢個價錢絕對超值。擺好鐵板後不久，侍應捧著大鍋芝士前來，如同吃鐵板餐的儀式一樣，慢慢將著火的芝士淋在吉列豬扒之上，過程既興奮也滿足。豬扒嘅吉列外皮，薄身但非常酥脆，而豬扒厚度超過2cm，咬落非常嫩滑，容易咬開，有肉味，配上濃濃的嘅芝士漿進食，味道十分香滑可口。吉列豬扒下面
仔細睇餐牌揀食物，發覺呢度嘅食物有著不少港人回憶，鐵板餐、黑牛、紅豆冰、滾水蛋、唂咕等，諗起小時候跟著父母去扒房鋸扒。加上餐廳裝修也確實有幾分懷舊，燈光昏暗、水晶吊燈、高背椅、啡色卡座等。未進食，已嚐到一份令人回味嘅舊香港味道。
不過話說回來，雖然有著港式扒房嘅回憶，但食物也有新派嘅生酮選擇，鐵板餐除左傳統嘅汁料更有熱溶芝士(+$18可轉芝士)，我同朋友都係芝士控，各自選了一個鐵板餐。
🥘20cm吉列豬扒($118+$25轉套餐)
鐵板餐上枱時嚇了一跳，對20cm完全無概念，但上枱時見到塊吉列豬差不多完美填滿一整塊鐵板，真心$118呢個價錢絕對超值。
擺好鐵板後不久，侍應捧著大鍋芝士前來，如同吃鐵板餐的儀式一樣，慢慢將著火的芝士淋在吉列豬扒之上，過程既興奮也滿足。
豬扒嘅吉列外皮，薄身但非常酥脆，而豬扒厚度超過2cm，咬落非常嫩滑，容易咬開，有肉味，配上濃濃的嘅芝士漿進食，味道十分香滑可口。
20cm吉列豬扒配熱溶芝士
$118
5 views
0 likes
0 comments
吉列豬扒下面，仲有蔬菜墊底，西蘭花、粟米全部有牛油香，而且鮮甜。套餐我仲揀左跟意粉，意粉亦都用牛油炒過，軟硬適中，香口好味｡
套餐仲有跟牛油餐包，而是日餐湯係甘筍忌廉湯，非常濃稠、鮮味，餐後仲有跟餐甜品-雪糕，呢個雪糕非常重奶味，又夠滑溜｡
跟餐甜品 雪糕
3 views
1 likes
0 comments
講真呢個餐真係完全超值，我最後都係食唔晒，如果細食嘅話，我相信絕對可以兩個人share食。
🥩朋友揀左熱溶芝士牛柳($188)，佢揀飲中湯，估唔到今日餐湯係生酮湯-大骨雜菜湯。
牛柳非常厚身，估計足有5cm 厚。要左五成熟，切開時仍見到粉嫩嘅顏色，火候處理得唔錯，牛柳非常容易咬開，無渣、有肉味。
熱溶芝士紐西蘭牛柳
$188
20 views
0 likes
0 comments
熱溶芝士紐西蘭牛柳
$188
7 views
0 likes
0 comments
最初唔知跟餐甜品係雪糕，我地仲另外叫左個甜品-焗蕃薯條配雪糕($68)，呢個絕對一定要推介！
除左蕃薯條同雪糕之外，竟然仲有棉花糖，係焗到外皮金黃香脆，內裡流心嘅棉花糖，配上蕃薯條一齊食，除左好好味，我已經諗唔到更貼切嘅形容。
焗蕃薯條配雪糕
$68
33 views
0 likes
0 comments
因為餐廳嘅外牆吸引左入嚟，咁靚嘅外觀以為係高價位西餐廳，但其實以呢個食物質素同份量，價錢絕對合理，完全唔貴，旺角又多一個翻尋味嘅餐廳。
餐飲 唂咕 滾水蛋
1 views
0 likes
0 comments
Post
