Video
Read full review
2019-11-18
1906 views
聽人講呢間店舖好出名，有好多memo紙比你寫低啲對香港既心聲，作為香港人既一分子，緊係要親身去見識下啦，一入到去，唔係誇張，由大門直到餐廳既牆上面，全部都係memo紙，好厲害。我地兩個人，就打算叫一個set餐，再另外散叫一個主食。前菜 (沙律 + 湯)個set係有包到沙律同湯，食完仲有甜品添。而呢個田園沙律配熱情果油醋汁，味道方面幾好入口，熱情果既酸酸甜甜味配上清爽既沙律菜，好夾，非常開胃。1.士多啤梨醬燒豬肋骨 set $229呢個真係真心覺得正，首先份量絕對夠哂大份，兩大舊豬肋骨，加上下面有大量焗得好香脆既薯角，一定夠哂飽啦，同埋豬肋骨燒得剛剛好，外層少少脆，内𥚃肉質保持到鮮嫩，再加上店舖自家製既士多啤梨醬一齊食，個醬除左有水果既甜味，仲有微微既辣味，真係好配個肉，多左個層次，非常欣賞！2.桂花雪梨茶 $39 叫左呢杯清清地既雪梨茶，因為唔想搶去其他果醬味，又幾好飲，桂花令到佢有陣清香味，有d雪梨肉可以食埋添。3.煮極黑毛豬扒 配肉桂蘋果汁 $169成日好多人會有個錯覺係覺得牛扒永遠係貴d好食d，但如果有試過黑毛豬，就可以解除對豬既成見，餐廳用左慢煮既方法烹調呢個極黑毛豬，慢煮可以
我地兩個人，就打算叫一個set餐，再另外散叫一個主食。
前菜 (沙律 + 湯)
個set係有包到沙律同湯，食完仲有甜品添。而呢個田園沙律配熱情果油醋汁，味道方面幾好入口，熱情果既酸酸甜甜味配上清爽既沙律菜，好夾，非常開胃。
沙律
43 views
0 likes
0 comments
湯
35 views
0 likes
0 comments
1.士多啤梨醬燒豬肋骨 set $229
呢個真係真心覺得正，首先份量絕對夠哂大份，兩大舊豬肋骨，加上下面有大量焗得好香脆既薯角，一定夠哂飽啦，同埋豬肋骨燒得剛剛好，外層少少脆，内𥚃肉質保持到鮮嫩，再加上店舖自家製既士多啤梨醬一齊食，個醬除左有水果既甜味，仲有微微既辣味，真係好配個肉，多左個層次，非常欣賞！
士多啤梨醬燒豬肋骨
$229
47 views
0 likes
0 comments
士多啤梨醬燒豬肋骨
$229
26 views
0 likes
0 comments
2.桂花雪梨茶 $39
叫左呢杯清清地既雪梨茶，因為唔想搶去其他果醬味，又幾好飲，桂花令到佢有陣清香味，有d雪梨肉可以食埋添。
桂花雪梨茶
$39
15 views
0 likes
0 comments
3.煮極黑毛豬扒 配肉桂蘋果汁 $169
成日好多人會有個錯覺係覺得牛扒永遠係貴d好食d，但如果有試過黑毛豬，就可以解除對豬既成見，餐廳用左慢煮既方法烹調呢個極黑毛豬，慢煮可以keep到豬扒既肉汁，又唔會過熟，見到入面仲有小小粉紅色咁，呢個係岩岩好嫩滑又食得既狀態黎，咬落去外脆內軟，配埋甜甜地既肉桂蘋果汁，一解夏天既悶熱。
煮極黑毛豬扒 配肉桂蘋果汁
$169
20 views
0 likes
0 comments
4.特製果醬梳打 +玫瑰蘋果 (半價後$22)
餐牌上有個「J」既，係代表可以自選果醬，我就揀左玫瑰蘋果，餐廳將蘋果blend成蘋果蓉，再加入玫瑰花瓣，再將呢個果醬加入梳打水度，就成為左呢杯飲品，入口仲有蘋果蓉添，真材實料。
特製果醬梳打 +玫瑰蘋果
$22
14 views
0 likes
0 comments
Cheese Cake（跟餐）
完整既晚餐又點可以冇甜品呢？最後仲有個小小既cheese cake，芝士挺身，口感綿滑，唔會係出面餅店雪左成日硬堀堀咁，估唔到跟餐甜品都咁有誠意。
Cheese Cake
17 views
0 likes
0 comments
Post
