Video
Read full review
2024-05-28
6402 views
約屋企人/朋友食飯唔知食咩好🫣？可以考慮吓嚟屯門「鋒哥廚房」，有烤魚🐟、任食雞煲🐤同任食海鮮火鍋🦀一次過滿足三個願望🧞♂️！仲可以無限追加蒜蓉生蠔同扇貝！同有11款生啤/黑啤🍻、汽水🥤、雪糕🍨、火鍋配料🌽、炸物、熟食任飲任食😋！我地星期五晚七點後入座 $368/位，有2.5小時暢飲𣈱食正阿‼️烤魚可以揀辣或者唔辣，有麻辣烤魚🌶️、蕃茄啤酒烤魚🍅🍺同蕃茄烤魚🍅三款選擇！蕃茄烤魚好好味❤️，煎香後嘅魚皮有微微嘅香脆感✨，魚肉鮮嫩有彈性，配上酸甜蕃茄薯仔湯底，呢個配搭令人特別開胃😍！麻辣雞煲可以揀返個辣度🌶️，我地嗌咗bb辣，上枱後將雞件、乾蔥、蔥同芫荽炒3分鐘就食得！雞件嫩滑入味🐤，麻味同辣度比例剛好，唔會搶咗對方嘅味道～ 火鍋湯底有五個口味選擇🍲，包括蕃茄薯仔湯、皮蛋芫荽湯、四川麻辣湯、飄香沙嗲湯同黑蒜豬骨湯。烤魚已經試咗蕃茄薯仔湯，所以火鍋湯底我哋揀咗飄香沙嗲湯🤎，湯底香濃有花生香味🥜。海鮮控嘅👧🏻見到出面自助區有多款海鮮任拎，真係超興奮呀🥳！有蟹🦀、鮑魚、海蝦🦐、蟶子、廣島蠔🦪、魚🐟、貴妃蚌、花甲、沙白等等。蟹身有好多金黃色膏，鮮甜甘香，蟹肉白色一疏疏夠哂新鮮😋！海蝦味道濃郁，肉質爽甜帶有嚼
烤魚可以揀辣或者唔辣，有麻辣烤魚🌶️、蕃茄啤酒烤魚🍅🍺同蕃茄烤魚🍅三款選擇！蕃茄烤魚好好味❤️，煎香後嘅魚皮有微微嘅香脆感✨，魚肉鮮嫩有彈性，配上酸甜蕃茄薯仔湯底，呢個配搭令人特別開胃😍！
麻辣雞煲可以揀返個辣度🌶️，我地嗌咗bb辣，上枱後將雞件、乾蔥、蔥同芫荽炒3分鐘就食得！雞件嫩滑入味🐤，麻味同辣度比例剛好，唔會搶咗對方嘅味道～
火鍋湯底有五個口味選擇🍲，包括蕃茄薯仔湯、皮蛋芫荽湯、四川麻辣湯、飄香沙嗲湯同黑蒜豬骨湯。烤魚已經試咗蕃茄薯仔湯，所以火鍋湯底我哋揀咗飄香沙嗲湯🤎，湯底香濃有花生香味🥜。
海鮮控嘅👧🏻見到出面自助區有多款海鮮任拎，真係超興奮呀🥳！有蟹🦀、鮑魚、海蝦🦐、蟶子、廣島蠔🦪、魚🐟、貴妃蚌、花甲、沙白等等。蟹身有好多金黃色膏，鮮甜甘香，蟹肉白色一疏疏夠哂新鮮😋！海蝦味道濃郁，肉質爽甜帶有嚼勁！廣島蠔脹卜卜，口感滑溜多汁！好欣賞佢地將貝殼類海產洗得好乾淨💦，貴妃蚌、花甲同沙白都食唔到有沙，肉身飽滿鮮甜👍🏻。
雪糕櫃真係大人同小朋友見到都開心，雪糕品牌有MÖVENPICK、DREYER'S、雀巢，有多款口味雪糕同雪條揀🥰～ 我哋每日食咗兩杯雪糕做呢餐嘅結尾，今餐真係食得好滿足阿💕～
📍 鋒哥廚房 (屯門)
屯門仁愛堂街45號興泰大廈地下1號舖
Post
