Video
Read full review
2020-04-03
2249 views
之前一直都想嚟試，但每次WALK IN條人龍都唔係人咁品。今晚終於有機會帶埋唔係住本區嘅朋友一齊試食。因為室內滿坐，被安排喺外面坐; 無緣感受室內嘅裝修同氣氛。下次吧…呢度好多人推介居酒屋必點嘅串燒之外，另一推介竟然係煲仔飯。所以我都點咗2款嚟試試秘製牛肋條煲仔飯: 燒過嘅牛肋條面有DD韌，好香口而且肉味濃。豬腩肉煲仔飯: 個樣好似好肥，但食落完全唔覺肥膩，入口好甘香。+撈埋生雞蛋、櫻花蝦同蔥花，口感好豐富。煲仔飯係用銅煲一齊上檯，個煲底仲有我最愛嘅飯焦呀。串燒不能不點啦，點咗不同種類嘅肉類同大啡菇。燒得好好唔會乾柴，而且搽上嘅醬汁唔會清一色一樣，好夾。魷魚一夜干: 肉質好嫩，一D都唔韌。我都係第一次食用魷魚做嘅一夜干!餐牌上面甜品有一款，叫做’今日的甜品(想知係咩?問我地啦!)’ 。店員話今日係芝士年糕，點咗一客。唔知下次嚟會唔會試到另一款甜品呢…呢度好適合朋友傾計聚聚，因為好嘅食物需要耐心等待...
呢度好多人推介居酒屋必點嘅串燒之外，另一推介竟然係煲仔飯。所以我都點咗2款嚟試試
秘製牛肋條煲仔飯: 燒過嘅牛肋條面有DD韌，好香口而且肉味濃。
豬腩肉煲仔飯: 個樣好似好肥，但食落完全唔覺肥膩，入口好甘香。
+撈埋生雞蛋、櫻花蝦同蔥花，口感好豐富。煲仔飯係用銅煲一齊上檯，個煲底仲有我最愛嘅飯焦呀。
串燒不能不點啦，點咗不同種類嘅肉類同大啡菇。燒得好好唔會乾柴，而且搽上嘅醬汁唔會清一色一樣，好夾。
魷魚一夜干: 肉質好嫩，一D都唔韌。我都係第一次食用魷魚做嘅一夜干!
餐牌上面甜品有一款，叫做’今日的甜品(想知係咩?問我地啦!)’ 。店員話今日係芝士年糕，點咗一客。唔知下次嚟會唔會試到另一款甜品呢…
呢度好適合朋友傾計聚聚，因為好嘅食物需要耐心等待...
Post
