鋒哥廚房

Open Now

Now Closed

今日成家人喺屋企附近嘅鋒哥廚房食飯，難得出嚟食就食餐好嘅。一於食一個任食套餐，有麻辣烤魚，麻辣雞煲，火鍋（海鮮，肉，丸，菜）甜品，啤酒和飲品。食嘢嘅順序係麻辣烤魚（一鍋），任食麻辣雞煲，再任食火鍋材料，自選一款免費湯底。麻辣烤魚夠晒辣，魚肉柔嫩又鮮甜，烤過嘅魚特別香，同麻辣汁一齊食，非常惹味。食完辣魚繼續食辣雞，雞煲入邊超多雞，仲有好多芫荽🌿味道非常，每一件雞雞肉都好滑而且好多肉，食到舔舔脷👅火鍋揀咗個有營蕃茄薯仔湯做湯底，食完辣嘢飲，佢即刻降火😂湯底酸酸甜甜非常開胃，仲有足料蕃茄🍅和薯仔🥔，真材實料冇加味精，好味道直頭可以當湯飲。餐廳推介安格斯牛頸脊絕對要多食，新鮮又好味，啱晒牛魔王。另外仲有冬菇，萵筍，豬肉丸，魚皮餃，炸魚蛋，菜，非常豐富，食到肚滿腸肥。而且仲可以無限，追加蒜蓉燒扇貝，啱晒鍾意食扇貝嘅我哋，扇貝夠晒新鮮，加上蒜蓉和香草一齊燒，味道更香更鮮甜。