Video
Read full review
2024-11-08
415 views
餐廳主打食日式拉麵🍜，可以自己選擇拉麵嘅軟硬度，麵條幼身帶有濃厚小麥味🌾！特別推介佢哋嘅醬油蟹湯🦀，湯底鮮甜好好味💛！另外，仲有小食🥟、日式刨冰🍧、芭菲🍨等等選擇。室外日式楓葉庭園場景好靚😍！着住和服喺度打卡🍁，感覺好似置身喺日本咁🥰。室內亦有打卡位，天花同牆身用咗好多色彩斑斕嘅日式紙傘做裝飾💕，散發著濃厚嘅日本氛圍🇯🇵。🍜淡醬油鴨湯拉麵湯底係濃厚鹹香嘅醬油味帶有鴨香味，鹹度適中。鴨肉有驚喜🦆！粉嫩色入口好柔軟嫩滑！🍜醬油蟹湯拉麵雖然都係用咗醬油做湯底，但係兩款拉麵嘅味道係完全唔一樣㗎！呢款湯底蟹味濃郁🦀，撈埋蟹膏同蟹肉食，令拉麵帶嚟鮮甜嘅蟹味😍，真係會忍唔住飲咗好多湯🥣！配上兩片炙燒嘅日式叉燒🐷，肥瘦均勻又有油香，食完好滿足🥰！🫔牛肉可樂餅口感外脆內脆，入面係免治牛肉碎🥩同薯蓉🥔混合，餡料豐富飽滿，食完一件都已經好飽😆。🥟雞皮餃子薄脆嘅雞皮包住豐富嘅雞肉餡料🍗，咬落去酥脆多汁💦。🍨 栗子Tiramisu芭菲上層雪糕係香濃嘅Tiramisu口味☕️，仲有白玉、黃豆粉蕨餅、栗子、餅乾同粟米片。層與層之間夾住忌廉、栗子蓉、粟米片同可可脆米，成個口感好豐富✨。🍡抹茶黑糖蕨餅可以揀抹茶同黃豆粉味
室外日式楓葉庭園場景好靚😍！着住和服喺度打卡🍁，感覺好似置身喺日本咁🥰。室內亦有打卡位，天花同牆身用咗好多色彩斑斕嘅日式紙傘做裝飾💕，散發著濃厚嘅日本氛圍🇯🇵。
🍜淡醬油鴨湯拉麵
湯底係濃厚鹹香嘅醬油味帶有鴨香味，鹹度適中。鴨肉有驚喜🦆！粉嫩色入口好柔軟嫩滑！
🍜醬油蟹湯拉麵
雖然都係用咗醬油做湯底，但係兩款拉麵嘅味道係完全唔一樣㗎！呢款湯底蟹味濃郁🦀，撈埋蟹膏同蟹肉食，令拉麵帶嚟鮮甜嘅蟹味😍，真係會忍唔住飲咗好多湯🥣！配上兩片炙燒嘅日式叉燒🐷，肥瘦均勻又有油香，食完好滿足🥰！
🫔牛肉可樂餅
口感外脆內脆，入面係免治牛肉碎🥩同薯蓉🥔混合，餡料豐富飽滿，食完一件都已經好飽😆。
🥟雞皮餃子
薄脆嘅雞皮包住豐富嘅雞肉餡料🍗，咬落去酥脆多汁💦。
🍨 栗子Tiramisu芭菲
上層雪糕係香濃嘅Tiramisu口味☕️，仲有白玉、黃豆粉蕨餅、栗子、餅乾同粟米片。層與層之間夾住忌廉、栗子蓉、粟米片同可可脆米，成個口感好豐富✨。
🍡抹茶黑糖蕨餅
可以揀抹茶同黃豆粉味各一半，蕨餅煙靭Q彈，抹茶味好濃郁💚，黃豆粉清甜配上黑糖漿食，味道甜而不膩💛。
🍵抹茶鮮奶雪糕
濃郁嘅奶香🥛中和抹茶嘅微苦味，加咗一球抹茶雪糕🍨，令抹茶味更加濃郁。
🍵山政小山園抹茶
用上小山園抹茶粉泡製而成，無落鮮奶同糖，所以抹茶味超級濃帶微苦嘅味道。
📍花華和食屋 (屯門)
屯門良德街8號珀御地下G06號舖
Post
