秋香 (康景花園)

Open Now

Now Closed

上次去咗秋香喺黃金海岸嘅分店，今次去埋康景花園呢間，裝修同樣都係古色古香加渡假風，打卡一流，仲有少少去咗旅行嘅感覺。呢間嘅Lunch Set選擇再多啲，總共有17款，梗有一款啱食蟹膏蟹肉煲仔飯 $198秋香最馳名嘅就係煲仔飯，呢個煲仔飯有好多蟹膏蟹肉，味道好濃郁，啖啖飯都沾有蟹嘅精華咁。加埋仿蟹柳同生雞蛋，仲有多重口感嘅享受，好滿足。秋香串燒盛 $148試埋上次想試但冇試到嘅串燒盛，串燒都係秋香嘅名物嚟，呢個盛有五款串燒，有我最鍾意嘅燒雞翼，燒得好香同埋醬料好惹味。仲有燒牛柳粒、炸豆腐、菇同埋幾特別嘅枝豆墨魚串。呢個盛仲配咗日式醬油飯，經調味過嘅飯特別好味。🍲跟餐仲有前菜青瓜同味噌湯中華海蜇 $38海蜇係我嘅至愛之一，質感爽滑，日式海蜇比中式嘅調味會濃啲，除咗辣辣哋，仲多咗份酸味，好開胃，用嚟伴飯好好食。🍹跟餐+$15 就可以轉特飲黎明到來 $58➡️$15飲落去係雜果賓治嘅味道，橙汁味濃郁，造型滿分又好飲💯凍自家茉莉薄荷蘋果蜜 $58➡️$15蘋果味比較濃，再帶有苿莉香同少少薄荷味，味道幾清新，甜味夠但又唔會過甜。