Video
Read full review
2023-05-27
116 views
山 Yama📍銅鑼灣耀華街38號The Zing!15樓本篇為中篇，主要介紹天ぷら盛り合おせ (天婦羅定食)同甜品草莓大福拿破崙。 💰$288天ぷら盛り合おせ 🍤🍱呢個天婦羅定食有各式各樣嘅天婦羅，其中包括番薯、玉米筍、魚鮫、秋葵、菇菌、兩隻蝦、目光魚等等。當中想特別講下目光魚同埋玉米筍呢兩款天婦羅，前者嘅魚肉非常嫩滑，近乎入口即溶，即使有細骨都可以輕鬆咬碎，同外面炸到金黃色嘅粉漿形成強烈嘅對比。玉米筍就係我最唔鍾意食嘅蔬菜之一，但估唔到以炸天婦羅嘅方式烹調後，我係會覺得佢好食嘅，佢嘅口感唔會似中菜或泰菜嗰種玉米筍咁軟淋淋，反而有少少半生嘅感覺，咬落脆口，無一般玉米筍嗰陣草青味，令我覺得非常驚喜。除咗一般嘅天婦羅汁之外，店員亦大推放喺碟變綠色嘅抹茶鹽，我哋從來都未聽過有抹茶鹽呢種東西，食落有茶香，又有少少天然鹽嘅鹹味，朋友非常欣賞，淨點抹茶鹽已經可以令到食材味道有所提升。 💰$728寿司盛り合おせ12貫+1卷物 🍣Sushi Platter 12 Pieces + 1 Roll草莓大福拿破崙 🍰嚟到甜品嘅部份，我想同大家推介全餐入邊最得我歡心嘅呢款草莓大福拿破崙。我同朋友講就算只係為咗
📍銅鑼灣耀華街38號The Zing!15樓
本篇為中篇，主要介紹天ぷら盛り合おせ (天婦羅定食)同甜品草莓大福拿破崙。
[價錢 Price]
💰$288
天ぷら盛り合おせ 🍤🍱
呢個天婦羅定食有各式各樣嘅天婦羅，其中包括番薯、玉米筍、魚鮫、秋葵、菇菌、兩隻蝦、目光魚等等。當中想特別講下目光魚同埋玉米筍呢兩款天婦羅，前者嘅魚肉非常嫩滑，近乎入口即溶，即使有細骨都可以輕鬆咬碎，同外面炸到金黃色嘅粉漿形成強烈嘅對比。玉米筍就係我最唔鍾意食嘅蔬菜之一，但估唔到以炸天婦羅嘅方式烹調後，我係會覺得佢好食嘅，佢嘅口感唔會似中菜或泰菜嗰種玉米筍咁軟淋淋，反而有少少半生嘅感覺，咬落脆口，無一般玉米筍嗰陣草青味，令我覺得非常驚喜。
除咗一般嘅天婦羅汁之外，店員亦大推放喺碟變綠色嘅抹茶鹽，我哋從來都未聽過有抹茶鹽呢種東西，食落有茶香，又有少少天然鹽嘅鹹味，朋友非常欣賞，淨點抹茶鹽已經可以令到食材味道有所提升。
[價錢 Price]
💰$728
寿司盛り合おせ12貫+1卷物 🍣
Sushi Platter 12 Pieces + 1 Roll
草莓大福拿破崙 🍰
嚟到甜品嘅部份，我想同大家推介全餐入邊最得我歡心嘅呢款草莓大福拿破崙。我同朋友講就算只係為咗食呢個甜品，都非常值得再次來訪，可見我對呢個甜品嘅喜愛程度。
店員同我哋講可以分開兩層食用，分別係上層嘅草莓紅豆大福加半層拿破崙，同下半層嘅椰子雪糕拿破崙。淨係睇佢嘅食材都知道口感同味道一定十分豐富，先講下最頂嘅嗰粒草莓，佢係來自福岡嘅草莓，甜度高味道濃，新鮮到連塊葉都食得。
第二層嘅大福皮本身我係有啲擔心自己會唔鍾意嘅，因為我一向對軟糯口感嘅嘢食不太感興趣，但估唔到佢呢塊大福皮係咁好食，裏面夾住嘅紅豆蓉唔會過甜，另外一改對大福嘅刻板印象。至於拿破崙做更加唔使講佢又幾好食啦，佢攞過世界第一嘅獎項，層層鬆化之餘，牛油味亦非常濃郁，細細嚿真係唔夠喉。
最後就要講畫龍點睛嘅椰子雪糕，佢真係又甜又清新，淡淡的椰子香味撲鼻而來，半溶嘅雪糕配埋鬆化嘅拿破崙酥皮，真係令人一試難忘。
最後嘅最後就想分享一下朋友嘅見解，佢喺未上甜品嘅時候見到餐具已經好興奮，咁話應該係同「海」呢一個元素有關。雖然餐廳名叫「山」，但我哋認為都夾雜左其他幾種大自然嘅元素。本身佢覺得似海，係因為有一支好似魚叉嘅餐具，後來上咗甜品佢就覺得比較似同「雪」有關。深深地一條啡色嘅痕，佢覺得好似雪地上面有車經過後留低嘅車軚痕跡，而大福上面灑咗嘅糖霜就好似滿天白雪，而匙羹就好似雪剷，唔知你哋覺得又似咩呢？
Post
