冒喜 (蕪湖街)

Open Now

Now Closed

最近翻去PolyU，有D肚仔餓，所以就去咗黃埔搵食，因為未食過「冒喜」，所以都忍唔住入去試下，感覺佢嘅招牌菜概念就比較似係食冒菜，又或者係小火鍋，可以自選湯底、配料、麵底等等，真係隨你鍾意吖。依家餐廳店面擴充左，現提供有30個堂食位，全線共有4間分店，大家就有更加多地點選擇喇！自選吉祥套餐（單點$80），貴州丁家脆哨、黑毛肚、五花腩片、美國肥牛、潮汕手搥牛肉丸、墨魚丸、蕃薯粉、生椰蕃茄湯、多蔥、多芝麻、多蒜；貴州丁家脆哨，口感香脆，食落類似採用五花腩脂肪部份製成嘅豬油渣，食落油脂味濃，但食得多的話，會覺得油膩；黑毛肚，肉質薄身，口感爽口；五花腩片，肉質肥瘦相間，肉味濃厚；美國肥牛，肉質嫩滑，牛味濃香；潮汕手搥牛肉丸，肉質彈牙，內有牛筋，食落肉汁飽滿；蕃薯粉，份量多，口感煙韌；生椰蕃茄湯，飲落帶有椰汁、椰青水味道，味道清甜，配以蕃茄飲用，飲落好清新。自選吉祥套餐（單點$77），貴州丁家脆哨、牛黃喉、鴨血、美國肥牛、潮汕手搥牛肉丸、墨魚丸、粟米麵線、魔鬼辣酸辣湯底、多蔥、多芝麻、多蒜；牛黃喉，食落好新鮮；鴨血，口感滑溜，略嫌欠缺鮮味；墨魚丸，內有墨魚粒；粟米麵線，口感幼滑，容易掛湯；魔鬼辣