王幺妹黔川米線 (Moved) New Location

午飯時間都唔算多人而且比較早嚟到，所以唔使等位。上菜速度都好快10分鐘就已經上咗。👉🏼川式米線湯方面酸酸地都幾惹味。配料方面有酸豆角非常開胃，配菜我加咗筍尖大腸大腸有筍味可能因為醃得比較耐幾好食。白肉切得都幾薄幾有口感。都有送生菜🥬。米線方面份量較多，都算係幾大碗抵食同埋都夠飽，如果比較餓既朋友可以叫多一個餸。其實菜單上邊仲有小食不過一個人試唔到其他嘢。如果下次朋友嚟紅磡都想同佢一齊再嚟試其他米線。