有口福

Open Now

Now Closed

暴走家姐新居入伙一段時間，今日終於抽時間去探下佢。九龍城果然多野食，咁多選擇下，我地俾酸菜🐟深深吸引🤤餐廳入面夠光猛，場地都乾淨，整體感覺唔錯。唔想食小菜都可以叫雞煲，我地都有一刻掙扎過食唔食🐥煲，最後酸菜🐟勝酸菜魚份量足，4個人食綽綽有餘，魚肉夠嫰又夠厚，唔會太多骨。酸辣度剛好，唔想愈食愈辣就要撈起d花椒同乾辣椒先。正所謂寶物尋歸底，我地掛住食魚，冇留意到原來薯粉喺底，索晒d酸辣味，超正👍干煸四季豆,火喉剛好，炒到d四季豆唔會太熟，味道香濃帶辣，不過唔食得辣嘅未必食到。之前怕辣完全冇試過嘅口水雞，自從有一次朋友請客，就喜歡左。呢度嘅口水雞醬汁色澤紅亮，雞好嫰滑，麻辣鮮香，即使係bb辣級數嘅人都食到嘅菜。脆椒雞軟骨，雞軟骨炸得好鬆脆，唔好俾d紅噹噹嘅脆椒嚇親，呢個菜係一d都唔辣，個脆椒咬落去似食薯片，然後我同家姐都覺得有一陣芝麻味湧出黎，非常有趣😂重慶辣子雞比滿滿嘅乾辣椒鋪面，唔係得個樣，係堅辣（豬係bb級辣），但雞粒炸到外焦内酥，再加上蔥、乾辣椒、薑片、花椒、胡椒等香料炒成，確係好惹味。家鄉炒米粉賣相好靚，金黃色，配料多，食落唔會太油或太乾，味道適中好香芝麻味。葱爆羊肉有d油，但羊肉