The Platter (悦品酒店‧荃灣)

Open Now

Now Closed

放假接好朋友放工，佢公司係大連排道，附近的悅品酒店 - The Platter 推出半自助晚餐，一直好受附近工廈及住宅歡迎。決定今晚食呢間。坐港鐵係葵涌站行去, 大約8-10分鐘。餐廳地方很大, 而且十分整齊衞生, 裝修雅緻及舒服, 坐位亦有多張可以8人的卡位, 朋友家庭及朋友聚會好適用。而且仲有一間圓形房間, 可供多人聚會。半自助晚餐價錢大眾化, 價錢由$248起, 可以係Openrice訂座兼有75折, 好抵喎 ! 我和朋友點了原隻新鮮波士頓龍蝦米多$398及烤澳洲草飼肉眼扒配紅酒汁 $298。欣賞職員細心問到我地先起主菜還是先品嚐餐湯, 沙律等前菜。服務一流。原隻新鮮波士頓龍蝦米多 $398波士頓龍蝦新鮮，肉質爽口彈牙，配上濃郁芝士汁及蘑菇，讚不絕口烤澳洲草飼肉眼扒配紅酒汁 $298肉眼扒煎得香口，但又不影響肉質的味道，配上的紅酒汁，易入口，不論有冇沾都同樣好味除左主菜，半自助晚餐的餐湯，沙律，冷盤，小食，甜品及雪糕都係任食。湯有兩款（龍蝦湯及蕃茄薯仔豬骨湯），果汁任飲, 沙律有數款，還有龍蝦沙律，性價甚高。還有素天婦羅，薯條，冷面等等, 甜品方面有數款，還可以自製pancake