菊月町

Open Now

Now Closed

今日嚟到觀塘見客，揀咗一間有提供廚師發辦嘅高質日本菜，叫咗佢哋嘅廚師發辦《爍雨》，一共有23款食物，廚師發辦嘅內容包括有先付、季節刺身、鐵板燒、季節料理、手握壽司、雲丹盛、吸物、時令果物，每位價錢$1480～今次嘅廚師發辦有幾款食物我同朋友都覺得幾出色，分別係澳洲黑邊鮑魚、煙燻拖羅手卷、北海道白海膽杯、鵝肝多士、魚湯🥰🥰澳洲黑邊鮑魚非常大隻，味道調配得好好，鮑魚好腍好入味，配埋鮑魚肝醬一齊食，好唔錯！欣賞佢哋嘅鮑魚肝醬味道唔會太霸道，做得恰到好處！另外呢一個煙燻拖羅手卷，令我印象好深刻，師傅首先會用蘋果木煙燻處理大拖羅同中拖羅，手卷入面仲有沙甸魚魚乾、紫蘇葉等等嘅配料，食落口感好有層次，又有淡淡既煙熏味，好出色！除咗廚師發辦之外，佢都仲有提供吉列定食，喺附近返工嘅打工仔，有興趣都可以過嚟試吓～