牛霸王

Open Now

Now Closed

觀塘工廈不嬲都好多好野食，係平日既晚上，繼續係入面搵好野食。Book左7點，已經8成入左座，隨後15分鐘已經full埋，所以想試牛霸王既就要book定位啦～點左兩個main，分別係手打和牛漢堡扒丼飯同埋京蔥厚切鰻魚飯。和牛漢堡扒係每日限量供應，當晚7點半左右已經賣晒，現場其他點唔到既朋友仔都好驚訝，所以真係手快有手慢冇了。和牛漢堡扒熟度控制非常好，肉汁鎖得住，配上蛋，酸瓜同埋自家漢堡汁，送飯一絕！  厚切鰻魚飯泊得住日本當地既水準，鰻魚份量十足，魚肉唔會燒到干身，啖啖鰻魚非常滿足，CP值十足。另外加左兩款小食，跟餐加購每款都只係加20蚊左右，我地點左吉列蠔同埋甘栗紫薯餅。原隻蠔拎去炸，肉身飽滿而且唔會干晒水，再配上黑松露醬，味道同埋口感都好豐富。因為個人偏好紫薯，所以唔洗諗一定叫紫薯餅，今次係再加上甘栗，有另一番風味，味道上係好夾的，非常滿意！