Video
Read full review
2019-06-04
2069 views
媽咪生日，佢request 想食呢間，所以就陪佢嚟。去之前打去問生日有無special dish/dessert, 佢話可以幫手寫字。去到嘅時候攞住蛋糕去，仲勁好人提我哋如果係度食要收返切餅費，但就可以幫我哋雪住先。走嗰陣又提我哋攞返個蛋糕，去過咁多西餐廳，呢度嘅服務真係一流，大家都好有禮貌，請佢哋幫手影相都無托手踭。呢度嘅食物同擺碟都好高質，尤其佢會擺好哂啲餐具，頭盤還頭盤，main 還main. 真係估唔到喺荔枝角都有啲咁講究嘅餐廳。前菜我叫咗個蟹餅沙律，個蟹肉好creamy 好足料，而且炸得啱啱好，個炸皮唔會太厚粉。啲沙律都好新鮮，配埋個蟹餅就食落無咁漏，酸酸甜甜咁幾開胃。湯叫咗龍蝦湯，要加錢，但絶對值得畀，個湯真係好好飲，起碼飲得岀唔係罐頭，係有層次嘅龍蝦湯，同時入面都有啲龍蝦粒，真係唔錯。可能因為個湯做得太好，我就好期望我個main. Main 叫咗龍蝦fettuccine, 佢喺餐牌聲稱有半隻龍蝦。上到嚟嘅時候，因為期望太高，反而有啲啲失望，雖然個fettuccine 做得幾好，有al dente 嘅感覺，選用嘅粉都可以索到唔少個sauce, 理應幾好食，但事實就麻麻，有啲
走嗰陣又提我哋攞返個蛋糕，去過咁多西餐廳，呢度嘅服務真係一流，大家都好有禮貌，請佢哋幫手影相都無托手踭。
呢度嘅食物同擺碟都好高質，尤其佢會擺好哂啲餐具，頭盤還頭盤，main 還main. 真係估唔到喺荔枝角都有啲咁講究嘅餐廳。
前菜我叫咗個蟹餅沙律，個蟹肉好creamy 好足料，而且炸得啱啱好，個炸皮唔會太厚粉。啲沙律都好新鮮，配埋個蟹餅就食落無咁漏，酸酸甜甜咁幾開胃。
湯叫咗龍蝦湯，要加錢，但絶對值得畀，個湯真係好好飲，起碼飲得岀唔係罐頭，係有層次嘅龍蝦湯，同時入面都有啲龍蝦粒，真係唔錯。
可能因為個湯做得太好，我就好期望我個main. Main 叫咗龍蝦fettuccine, 佢喺餐牌聲稱有半隻龍蝦。上到嚟嘅時候，因為期望太高，反而有啲啲失望，雖然個fettuccine 做得幾好，有al dente 嘅感覺，選用嘅粉都可以索到唔少個sauce, 理應幾好食，但事實就麻麻，有啲過份多sauce, 搞到太漏，同埋有啲奇怪點解佢會放咗青椒入去，我真係無咩點見過正宗意大利餐廳嘅意粉有青椒呢樣嘢，本身諗住佢好講究，但有青椒呢個行為就扣咗啲分，唔係個青椒唔好食，但係有青椒嘅意粉對我嚟講就好似pizza 有菠蘿咁，係古怪。另外非常失望係，個龍蝦好唔掂，睇埋其他人嘅食評，原來我唔係唯一一個，個龍蝦好霉，好難食，佢menu 話有半隻龍蝦呢個位係失實嘅，成碟fettuccine 加埋都無半隻龍蝦，甚至我懷疑係咪用咗小龍蝦呢？！ 因為佢個味同龍蝦湯入面嘅肉料完全唔同味，總之就係失望。成碟嘢令我既心情由本身好滿足，降落至中等水平。其實我覺得呢個龍蝦闊條麵失敗在，佢真係同間餐廳嘅格調同講究，好大對比，呢碟嘢，好似係一般西餐廳嘅意粉，佢無咩龍蝦肉但就收$2xx, 非常唔抵。
同時試咗其他家人嘅牛扒同豬扒，都唔差，但都係比唔上個湯同頭盤嘅好食。媽咪就食咗羊架，佢話無第一次去食咁好食，都真係有啲差別，佢都有啲失望。
最後因為大家都太飽，所以就叫咗一個甜品，無影到相，寫咗個字畀媽咪，記得但甜品都唔錯，但係都係無一開始個湯同頭盤咁高質。
結論係，佢一開始嘅食物，讓人非常滿足同太好食，到main 同甜品，又做得差好多，搞到個對比好大，令人覺得失望，始終一間餐廳最重要係個main.
P.S. 見到openrice 有其他食評講個fettuccine 我都好同意，真係好難食，我記得我真係畀面地食哂，同埋廢事掃興，無同餐廳反映呢個問題，原來唔只我一個覺得個龍蝦有啲古怪。
Post
