莫云

Open Now

Now Closed

去咗一個長嘅旅行，最掛住肯定就係香港嘅點心，而點心嘅精髓在於巧手精緻，呢一間舖頭就完完全全做到啦！👍🏻金箔鮮蝦餃外皮晶瑩剔透，咬落煙靭，鮮蝦爽彈，有埋金箔就顯得更加豪華！👍🏻魚子醬賽螃蟹餃聽個名就覺得吸引，而且盡顯氣派。魚子醬加上螃蟹肉感覺特別鹹香，咬落口腔裏滿是配料！加上橘橙色嘅外表令眼睛都被吸引住。👍🏻蠔皇叉燒包去得飲茶，一籠熱辣辣嘅叉燒包肯定少不了，包皮軟熟，叉燒嘅餡料適中，而且帶點香甜，超好食。👍🏻高湯海參灌湯餃先點評佢嘅高湯，清甜濃郁，灌湯餃啖啖肉汁，突顯師傅功架，而且用料更加係上乘添，用上白瓷器皿點上爐火，就唔怕冷卻！👍🏻蜂巢海鮮芋角而炸嘅點心亦都係配上飲茶嘅好拍檔，蜂巢做得精緻香脆，咬落去好綿密豐富，而且絕對冇油膩嘅感覺！👍🏻安格斯牛肉燒餅相當特別嘅一個小食，灑上芝麻喺面頭特別香口，底部放上青瓜加點清新感。咬落去帶有肉汁，牛肉味特別香盛。