Video
Read full review
2022-05-15
256 views
第一次寫食評日期：5月15日時間：1點30大約一點半左右去到排隊（前面大約有4張2人枱等緊，後面有一家四口排隊），等了大約20分鐘左右，時間尚可接受。排隊時侯已經有位staff問我地食咩，我地未答佢已經話得返清湯（原意係去食白湯拉麵 + 沾麵），仲叫我地下次再早啲嚟。咁一場嚟到都試下個白湯，因為佢旗下其他拉麵試過都好食嘅，所以有啲信心。隨後有一家四口排隊，我聽到staff都係用同一番說話得番清湯。入到去坐低，等咗一陣都好快有得食，食到一陣一家四口都入咗嚟，而我食到七成左右，我見到侍應拎咗一碗我唔肯定係咪白湯拉麵嘅嘢去一家四口嗰枱，我懷疑咗一下，但冇太大理會，繼續食。隨後有兩位女士入座，坐咗我隔離（吧枱），佢地嘅食物係白湯拉麵+沾麵！我特意嚟到，滿心歡喜食，你話賣曬我真係唔緊要，但餐廳嘅arrangement真係好差，冇理由係咁樣運作，大家都係排隊入去食，一啲有得食一啲冇得食咁，浪費我時間，其實心情真係會好差，可能有人會覺得我誇張。食物評價：真係好一般，冇太大驚喜。麵同湯好似分開兩樣嘢咁，麵還麵湯還湯。蠔嘅味唔算太重，個人喜好啦，有啲人可能鍾意重味，有啲人鍾意啖味嘅，自行判斷啦。麵質就可
日期：5月15日
時間：1點30
大約一點半左右去到排隊（前面大約有4張2人枱等緊，後面有一家四口排隊），等了大約20分鐘左右，時間尚可接受。
排隊時侯已經有位staff問我地食咩，我地未答佢已經話得返清湯（原意係去食白湯拉麵 + 沾麵），仲叫我地下次再早啲嚟。咁一場嚟到都試下個白湯，因為佢旗下其他拉麵試過都好食嘅，所以有啲信心。
隨後有一家四口排隊，我聽到staff都係用同一番說話得番清湯。入到去坐低，等咗一陣都好快有得食，食到一陣一家四口都入咗嚟，而我食到七成左右，我見到侍應拎咗一碗我唔肯定係咪白湯拉麵嘅嘢去一家四口嗰枱，我懷疑咗一下，但冇太大理會，繼續食。
隨後有兩位女士入座，坐咗我隔離（吧枱），佢地嘅食物係白湯拉麵+沾麵！
我特意嚟到，滿心歡喜食，你話賣曬我真係唔緊要，但餐廳嘅arrangement真係好差，冇理由係咁樣運作，大家都係排隊入去食，一啲有得食一啲冇得食咁，浪費我時間，其實心情真係會好差，可能有人會覺得我誇張。
食物評價：真係好一般，冇太大驚喜。麵同湯好似分開兩樣嘢咁，麵還麵湯還湯。蠔嘅味唔算太重，個人喜好啦，有啲人可能鍾意重味，有啲人鍾意啖味嘅，自行判斷啦。麵質就可以一讚嘅，有口感，軟硬係適中，係我喜歡嘅質感。
環境評價：餐廳環境算係乾淨，光線充足。可惜坐吧枱會見到洗碗環境，我就不太接受到。
最後，個個際遇唔同，我只係陳述當日情況，希望餐廳睇到可以改善一下，畢竟都有好多人特意嚟試，但我就冇下次。
謝謝
Post