鄧記川菜

Open Now

Now Closed

體驗感極差。又唔係飲茶地方，食川菜都收埋20蚊/人茶錢，仲要硬食一碟小菜。菜價極貴，份量又少，質素又差，完全唔抵佢收D貴價。酸菜魚298蚊得8-9片魚片，酸菜切得極碎，鬆鬆散散浮在湯的表面，令人食慾大減。一碟炒青菜都成200蚊，真係唔忍心惠顧。價錢咁貴，咁係咪食佢服務質素或者環境？咁又無咩服務，侍應周圍行來行去個個冷面，叫咗一碟甜嘢又自動assume餐後叫起，無同客人確認過。環境又麻麻，細台太細，D餐台又都靠得好近，逼得滯。總而言之用餐體驗極差，建議大家去第二度食川菜啦，同樣價錢大把更好選擇。