船渦

Open Now

Now Closed

今晚同朋友靜靜地傾吓偈，又去銅鑼灣船渦食一人一鍋蒸海鮮。今次揀咗一個八府巡按套餐（$488）同埋一個九品芝麻套餐（$258） share黎食 （另有加一服務費）。前菜係蟹籽青瓜沙律，青瓜新鮮爽脆。炸物有章魚燒，餃子同埋雞翼。章魚燒外脆內軟。餃子都算多餡。雞翼表皮香脆肉質Juicy。各款海鮮都好新鮮。龍蝦肉質爽彈。蟹好好肉，多蟹膏。鮮魚片好滑。白蜆大蜆都冇沙，蒸完啲蜆肉粒粒都脹卜卜。北寄貝，元貝同飽魚都好大隻。海蝦蝦味濃。安格斯牛肉片牛味濃。美國肥牛就有油香味。豚肉片比較有咬口。三寶丸分別係牛骨濃汁牛丸，招牌墨魚丸同埋薑汁皮蛋貢丸。墨魚丸有墨魚粒粒喺入邊。貢丸個餡真係好濃薑汁味。蔬菜拼盤有娃娃菜，粟米，生菜，金菇，冬菇同埋南瓜。蒸完出嚟味道好清甜。芋頭南瓜粥，香甜濃稠。魚湯米線，魚湯味道鮮甜，米線彈牙。甜品有香芋糯米糍同埋雲呢拿糯米糍，外軟內凍，好滿足。