幸屋

Open Now

Now Closed

今晚去灣仔食飯～朋友帶咗我食一間超級隱世嘅日本拉麵餐廳！雖然喺巷仔裏面，但係依然都有好多識食嘅食客一早坐到滿晒。我點咗一個黑蒜山藥豚骨拉麵，因為第一次食所以就圈左濃湯，但係建議如果鍾意食開濃味嘅拉麵嘅話，可以再叫超濃湯🍲拉麵啲硬度都可以自己揀，流心蛋超級流心，非常之邪惡！湯底濃郁又唔會太油，推薦！朋友叫咗個醬燒牛肉飯，雖然價錢一百蚊左右，但係啲牛肉一啲都唔hea，食落好有燒肉嘅味道，亦都好軟熟易咬個種～個飯底有甜甜嘅燒肉汁，整體我覺得飯都好正另外小食方面，我哋叫咗凍豆腐同埋唐揚雞～特別推薦食呢個炸雞，因為個燒汁甜甜地同沙律醬夾埋個炸雞真係好正，大家嚟到一定要試吓！